12 Наурыз, 2019

Ғылыми-сарапшылық кеңестің атқарған істері мен алдағы өзекті жобалары талқыланды

773 реткөрсетілді

Қазақстан халқы Ассамблеясы (ҚХА) Төр­ағасының орынбасары Жансейіт Түймебаевтың қатысуымен ҚХА Ғылыми-сарапшылық кеңесінің отырысы өтті. Ассамблеяның жетекші ғылыми институттары мен кафедраларының басшылары, этносаралық қатынастар саласындағы сарапшылар кеңестің осы уақытқа дейінгі атқарылған істері мен 2019 жылға арналған өзекті жобаларын талқылады.

Жиынды ашқан Ж.Түймебаев: «Биыл Ғылыми-сарапшылық кеңес­тің 10 жылдығы. Бірге жұмыс істеп келе жатқан ғалымдар мен сарапшыларды, кеңес мүшелерін мерейтоймен құттықтаймын! Қо­ғамдағы әрдайым өзгеріп оты­ра­тын мәсе­лелерге қарай жұмы­сымызды жал­ғас­тырамыз. Елба­сы ұлтаралық қаты­настарға ерек­ше көңіл бөліп отыр. Бұдан бөлек, өңірлік белсен­ділікті арт­ты­ру, әлеуметтік-эконо­мика­лық мә­селелер назардан тыс қалмайды», деді. 

Шара барысында баяндама жасаған кеңес төрайымы Айгүл Сә­дуа­қасова кеңестің қызметі мен жоспар­ларына тоқталды. Оның айтуын­ша, бірнеше бағытта жұ­мыс іс­тейтін және Мемлекет басшысы­ның тапсырмасымен құрылған кеңес құрамында 52 ғалым, оның ішінде 31 ғылым док­торы, 12 ғылым кандидаты, зерт­теу инсти­туттарының басшыла­ры мен қоғам қайраткерлері бар. «Кеңес қоғамдық келісім және жал­пы­ұлттық бірлік саласында қабыл­да­натын шешімдерді сараптамамен қамтамасыз ету, олардың жай-күйі мен қалыптасып отырған үрдістерді тереңдете зерделеу, одан әрі дамытудың ғылыми негізделген бол­жамдарын тұжырымдау жө­нін­дегі міндеттерді орындайды», деді.

Ал ҚХА кафедралары қауым­дас­тығының төрағасы, профессор Анатолий Башмаков кафедра­лар қызметі туралы әңгімелеп бер­ді. Аталған лауазымымен бірге Л.Н.Гу­милев атындағы Еуразия ұлт­­тық уни­верситетінде ҚХА кафед­­ра­сының меңгерушісі болып қызмет ететін А.Башмаков сол жоғары оқу орнындағы барлық кафед­­ра­лар­да Президенттің бастамаларына сәйкес, «Мәңгілік ел», «Руха­ни жаңғыру» курстарының, түрлі лек­ция мен семинарлар  тұрақ­­ты өтіп отырғанын айтты. «Бұл қа­уым­дастықтың алғашқы, яғни білім беру міндетіне жатады. Екін­ші мін­деті – саяси. Бұл бағытта ше­тел­дерден келетін мамандармен тә­жірибе алмасу мақсатында халық­аралық конференциялар мен прак­ти­кумдар ұйымдастырылды. Ал үшінші, ғылыми бағытта этнос­тар құ­рамы анықталған зерттеу жүр­гі­зілді. Мәселен, елімізде 40 мыңға жуық поляктар бар. Соған сай жұ­мыстар жүзеге асырылады», деді. 

Ұлттық экономика министрлігі «Экономикалық зерттеулер институты» акционерлік қоғамы Басқарма төрағасының орынбасары Шахарбану Жақыпова институт аясында атқарылған істерді баяндады. Ол Экономикалық зерттеулер институтының басым бағыты халықтың демографиялық хал-жағдайын жан-жақты зерделеу­ге арналғанын тілге тиек етті. Маманның мәліметінше, халықтың ұзақ мерзімді демографиялық жай-күйіне болжам жасалған. Бұл болжам демографияны дамытуға бағытталған мақсат-міндеттерді айқындауға септігін тигізеді. 

Ал Еуразия ұлттық универ­си­тетінің профессоры Наталья Калашникова кеңестің өзекті жобаларын баян етті. Оның ішінде 10 жылдан бері жемісті жүзеге асырылып келе жатқан «Тарихи тағылым – өткенге тағзым» атты жобасын айрықша атап өтті. Ассамблея бастамасымен қолға алынған бұл халықаралық жоба сонау 1920-1930 жылдары қуғын-сүргінге ұшырағандар мен әр қиырға жер аударылғандардың ұрпақтарын осы бағытта ізденіп жүрген ғалымдар мен шетелдік сарапшылармен кездестіріп, тарихқа тереңдеп, ата-бабаларының ізін табуға, өмір жолын зерделеуге мүмкіндік береді. 

Талқылауды қорытындылаған Ж.Түймебаев кеңестің 2019 жыл­ға арналған іс-шара­ларының тіз­бесін жасауды тапсы­рып, кеңес мүше­лерін қоғам­дық келісім мен жалпы­­ұлттық бірлік моделін ілгері­летуде, жұрт­шы­лықты этнос­аралық өзара қаты­настар сала­сын­дағы әлеуметтік зерт­теу­лердің, тал­дамалық әзірле­мелер­дің нәти­желері туралы ха­бар­­­дар етуде белсенді болуға ша­қыр­­ды.

Айдана ШОТБАЙҚЫЗЫ,

«Egemen Qazaqstan»

Соңғы жаңалықтар

Негізгі ұғымдар жүйеленеді

Саясат • Бүгін, 08:43

Тиімді диологқа жол ашады

Саясат • Бүгін, 08:37

Қоғам мүддесін ойлаған құжат

Саясат • Бүгін, 08:33

Жарысты 8 жүлдемен аяқтады

Спорт • Бүгін, 08:29

Ақпанның бораны ашулы

Аймақтар • Бүгін, 08:26

Өткен ғасыр өрнегі

Таным • Бүгін, 08:25

Үшінші рет финалда жеңілді

Теннис • Бүгін, 08:24

Сөз сойыл №89

Руханият • Бүгін, 08:02

10 жыл субсидияланған саланың жыры

Экономика • Бүгін, 07:53

Жемістен чипс жасайды

Аймақтар • Бүгін, 07:52

Сөздің құны мен құдіреті

Руханият • Бүгін, 07:46

Бағаны ауыздықтаудың амалы

Үкімет • Бүгін, 07:44

Мақамы мәшһүр Маңғыстау

Аймақтар • Бүгін, 07:26

Саят атының сыны мен бабы

Қоғам • Бүгін, 07:23

Қаламы семсер серке еді

Таным • Бүгін, 07:20

Өзі де, сөзі де сұлу

Руханият • Бүгін, 07:15

Ұқсас жаңалықтар