Аймақтар • 20 Наурыз, 2019

Кітап палатасында «Наурыз» мерекесі тойланды

680 реткөрсетілді

Қазақстанда шығатын басылымдардың жарыққа шығуына бағыт-бағдар беріп, халықаралық стандарт талабына сай тіркеуге алатын, баспа және баспасөз өнімдерін жинап, сақтайтын, статистикасын жүргізетін бірден-бір ғылыми-библиографиялық орталық  Ұлттық Кітап палатасының қызметкерлері «әз-Наурыз» мерекесін ерекше салтанатпен атап өтті.

«Көктемнің көрікті күндерінің әрбір сәтін қалт жібермеуді ұйғарған ұжым «Наурыз» мейрамына үлкен дайындық жасап, 14-23 наурыз күндері аралығында бірқатар шараларды жоспарлаған. Көрісумен басталған айтулы шаралар Кітап палатасында келесі кезекте сұрақ-жауап танымдық сайысы, ұлттық киімдерден сән үлгісін көрсету,  кітап жәрмеңкесін ұйымдастыру, шағын көріністер, «Ұлыстың ұлы күні» поэзия кеші, «Наурыз – думан» шағын концерті, «Қош келдің, әз-Наурыз»  ағаш егу, Наурыз күніне орай тазалық күнін өткізу, ұлттық ойындардан сайыс өткізу сияқты мазмұнды кештермен жалғасын табатын болады. Кітап палатасы қызметкерлері «Наурыз» мерекесінде ерекше мән беретін тағы бір жоспарлы шара - қайырымдылық көрсету. Бұл бағытта ұжым көмекке мұқтаж жандарға қол ұшын беретін болады» деп атап өтті Кітап палатасы директорының орынбасары Толқын Сәлменбаева.

Эльвира Серікқызы,

«Егемен Қазақстан»

АЛМАТЫ

Баннер
Соңғы жаңалықтар

Ұқсас жаңалықтар