Сапар аясында Е. Көшербаев Испанияның сауда жөніндегі Мемлекеттік хатшысы, Қазақстан-испан үкіметаралық комиссиясының тең төрағасы Шиана Мендес, «Acciona Energy» энергетикалық компаниясының Президенті Рафаэль Матео, Испандық экспорттаушылар мен инвесторлар клубының мүшелері, сондай-ақ жетекші испан БАҚ өкілдерімен кездесулер өткізді.
Сапардың негізгі тармақтарының бірі Қазақстан делегациясының Қазақстан-Испан бизнес-форумының жұмысына қатысуы болып, оның шеңберінде еліміздің инвестициялық мүмкіндіктері, энергетика, өнеркәсіп, агроөнеркәсіптік кешен, инфрақұрылым және қаржы салаларындағы бірқатар жобалар, сондай-ақ «Астана» Халықаралық қаржы орталығының мүмкіндіктері ұсынылды.
Оған қоса, бизнес-форумның нәтижесі бойынша қазақстандық және испан іскер топтарының бірқатар кездесулері орын алды.
Айта кетерлік жайт, 2018 жылы Қазақстан мен Испания арасындағы тауар айналымы 2 млрд. АҚШ доллардан асып, оның ішінде Қазақстаннан Испанияға экспорт 1 млрд. 862 млн. долларына жетсе, Испанияның Қазақстанға импорт көлемі 179,5 млн. долларын құрады.
