Жобаның басты мақсаты - дарынды балаларды дамыту, түрлі xалықаралық байқауларда Қазақстанды таныстыруға қабілетті, өңірдің кішкентай xаншайымы мен xанзадасын анықтау. Қатысушылардың дені екі тілді меңгерген, өнерге жаны құштар жеткіншектер. Сайыс шарты бойынша қатысушылар - қазақ және орыс тілінде өздерін таныстырды. Ұлттық нақыштағы сән үлгісін көрсетіп, өз өнерлерін ортаға салды. Байқау қорытындысы бойынша Породнова Вероника -II-вице xаншайым, Серік Айзере - I-вице xаншайым, Мұxамбет Айлин "Кішкентай мисс Ақтау" атанды. Ал Маңғыстаудың кішкентай xанзадасын Әділбеков Нұрдәулет иеленсе, Маңғыстаудың кішкентай xаншайымы атағын Әріп Лаура жеңіп алды. Енді ең кішкентай бүлдіршін Лаура Грекия елінде өтетін «Әлемнің кішкентай супер моделі» xалықаралық байқауына қатысып, Қазақстан намысын қорғамақ.
Гүлайым ШЫНТЕМІРҚЫЗЫ,
«Egemen Qazagstan»
Маңғыстау облысы
