12 Желтоқсан, 2012

Қызмет тиімділігін арттыру – басты міндет

323 рет
көрсетілді
10 мин
оқу үшін

Қызмет тиімділігін арттыру – басты міндет

Сәрсенбі, 12 желтоқсан 2012 7:15

Маңғыстау облыстық ішкі істер департаментінің бастығы, полиция генерал-майоры Мейірхан ЖАМАНБАЕВПЕН әңгіме

– Мейірхан Сағынбекұлы, Маңғыстау облыстық ішкі іс­тер департаментінің тізгінін ұстағаныңызға жақын арада жыл толады екен.  Сол бір жыл қас-қағымдай-ақ уақыт сияқты көрінгенімен, атқарылған жұ­мыстың өлшемімен қарасақ біраз уақыт. Осы кезең ішінде не тындырдыңыз, қандай шаруаны аяқтай алмадыңыз? Алдағы уақытта атқарылар шаруалар қандай?

 

Сәрсенбі, 12 желтоқсан 2012 7:15

Маңғыстау облыстық ішкі істер департаментінің бастығы, полиция генерал-майоры Мейірхан ЖАМАНБАЕВПЕН әңгіме

– Мейірхан Сағынбекұлы, Маңғыстау облыстық ішкі іс­тер департаментінің тізгінін ұстағаныңызға жақын арада жыл толады екен.  Сол бір жыл қас-қағымдай-ақ уақыт сияқты көрінгенімен, атқарылған жұ­мыстың өлшемімен қарасақ біраз уақыт. Осы кезең ішінде не тындырдыңыз, қандай шаруаны аяқтай алмадыңыз? Алдағы уақытта атқарылар шаруалар қандай?

– Бүгінгі таңда департаменттің материалдық-техникалық базасы қазіргі заманға сай нығайтылды деуге болады. Жыл басынан бері облыс әкімі Бауыржан Мұхамеджановтың, Ішкі істер министрлігінің қол­дауымен 52 арнайы автокөлік алынды. Бұл автокөліктер ІІД жол полициясына, қала, аудан ішкі істер органдарының учаскелік полиция бөлімшелеріне, патрульдік полиция қызметтеріне, арна­йы мақсаттағы жасақтарға жә­не департаменттің жедел қыз­меттеріне берілді.

Сонымен қатар, Ақтау қала­сында ішкі істер органдары қыз­­­­­­мет­керлеріне арналған 120 пәтерлік тұрғын үй  салынды, оны таяуда тапсыру жоспарланып отыр.

Таяу арада  Жаңаөзен қаласы Ішкі істер басқармасының Жедел басқару орталығы ғимаратының құрылысын аяқтап, ғимаратты қабылдап іске қосамыз.

Жаңаөзен қаласының жә­не аудандардың 2012-2020 жыл­­дарға арналған әлеу­меттік-эко­­номикалық даму бағ­дар­ламасының ұзақ мерзімді жоспарын  әрі қа­­рай іске асы­­­­ру мақсатында көп­те­­ген жұмыстар ат­­­­қарылды. Жа­­­ңаөзен қаласында полиция қыз­­меткерлеріне арнап 100 жә­не 60 пәтерлік 2 тұрғын үй құрылысының жо­балық-сметалық құжаттарын жасақтауға тап­сырыс берілді, 2 стационарлық полиция бекетінің және жол полициясы «ШЕП» бақылау бекетінің және 10 учаскелік полиция пунктінің құрылыстарын салуға түгелдей жер телімдері алынып, жо­балық-сметалық құжаттары әзірленуде.

ІІД қызметкерлері бүгінгі таңда 100 па­йызға формалық ки­­­­­ім-кешекпен қам­тама­сыз етілген, қажетті құрал-жабдықтар түгелімен алынып берілген.

– Президент Жарлығына сәйкес елі­міз­дің құқық қорғау құрылымдарында аттестаттау болып өтті. Бұл жөнінде әртүрлі пікір болғанына қарамастан, ат­тестациялауға оң баға бе­рі­ліп отыр. Өзіңіз басқарған құрылымда өткізілген аттестация жұмысына қандай баға берер едіңіз?

– Еңбек өтіліне және атқарып отырған лауазымдарына қара­­мастан, ішкі істер орган­­да­рының барлық қызметкерлері кезектен тыс аттестаттаудан өткізілді.

Маңғыстау облысының ішкі істер де­­пар­таменті   бойынша барлығы  1709 қызметкер аттестаттаудан өткізілді. Оның ішінде  ІІД-нің басшы құрамынан 4 қызметкер Жоғары аттестаттау комиссиясынан,  Ішкі істер ми­нис­трлігінің  номенклатурасына жататын 50 қызметкер орталық аттестаттау  комиссиясынан, 1655 қызметкер аймақтық аттестаттау комиссиясынан өтті.

Жалпы кезектен тыс аттестаттауды өткізу облыстың ішкі істер органы қызметкерлерінің кәсіби даярлық деңгейін және олардың қа­зіргі заманғы талаптарға сәй­кес­тігін нақты анықтап,  аттестаттау кезінде полицияның ға­­на емес, мемлекеттің беделіне нұқсан кел­тіретін моральдық-өне­гелілік сапалары төмен және жемқорлық пиғылдағы біліксіз қызметкерлерден тазарту жүр­гі­зіліп, атына сай міндеттермен тікелей айналысуына, сыбайлас жемқорлыққа бе­йімдіктен арылуына, бәрінен бұрын  ішкі істер органы қызметінің тиімділігін арттыруға  қол жеткізуге мүмкіндік туғызды  деп  айта аламыз.

– Жақында депутаттардың алдында шығып сөйлеген Ішкі істер министрі Қ. Қасымов ішкі істер органдарындағы ең өзекті проблема – учаскелік инс­пек­тор­лардың жетіспеуі деген еді. Бұл мәселе сіз басқарған департаментте қалай ше­шілген?

– Таяуда министрлік бұй­рығымен «Учас­келік полиция инспекторларын әкімшілік учаскеге халықтың пікірін ескере отырып тағайындау ережесі» бекітілді.

Учаскелік инспекторлардың өзіне бекі­тіл­ген аумақтарында жұмысының дұрыс ұйым­дас­ты­рылуының ең басты кепілі, сол аумақтың тұрғандарымен тығыз қарым-қатынас жасап, олармен бірге құқық бұзушылықтың, қылмыстың алдын алу, жолын кесу болып табылады.

Ағымдағы жылдың басынан бе­рі, қала­да­ғы әрбір шағын ауданның тұр­ғын­да­ры­­мен кездестік, олардың алдында сол аймаққа жауапты учаскелік инс­пектордың есебін тыңдадық, жұртшылықтың  ой-пі­кірін, ұсыныс, арыздарын, сондай-ақ, учаскелік инспектордың жұ­мысына берген бағаларын тың­дадық. Халық қашанда көрген, білгенін айтады емес пе. Әсіресе, біздердің қызметімізге сыншы да , мінші де халық. Халық егер де еңбегімізге оң баға берсе онда, жасап жүргеніміз адал еңбек, ал, егер де халық теріс баға берсе ше?… Мінеки осылайша, есеп беру барысында халықтың тарапынан учаскелік инспекторлардың жұмысына көңілдері толып, оң баға бергендері де, оншалықты көңілдері толмайтындары да барын білдірді. Нәтижесінде жұмысын келістіре алмаған учаскелік полиция инспекторлары тиісті жазасын алса, халықтың көңілінен шыққан инспектор жұртшылық алдында да, жеке құрам алдында да марапатқа ие болды.

Әрине, бүгінгі таңда учаскелік полиция инспекторларына жүктеліп отырған міндеттер өте көп. Олар, қылмыстық жазасын өтеп шыққан тұлғалармен, нашақұмарлар және маскүнемдермен де, немесе отбасы жағдайымен әр санаттағы есепте тұратын тұлғалармен де жұмыс жасайды. Олар бойынша толық мәліметтер жинайды, оны зерделейді, жаза өтеу орындарынан оралған тұлғалардың қайта қылмыс жасауының алдын алу шараларын жүргізеді, сонымен қатар, аумақтарында жасалған қылмыстың ізін суытпай ашу жайында шұғыл-іздестіру шараларын жүргізеді.

– Маңғыстау облысы бес шет мемлекетпен, атап айтар болсақ, Ресей, Иран, Өзбекстан, Түркіменстан және Әзербайжан елдерімен шекараласады екен. Бұл өз кезегінде облыстағы ми­­грация мәселесін күрделендірмей қоймайтыны рас. Осыған орай, көші-қон полициясының қызметі туралы не айтар едіңіз? Қандай проблемалар бар?

– Маңғыстау облысы шет мемлекеттермен көршілес болғандықтан, шетел азаматтарының қоныс аударуына географиялық орналасуы жағынан ыңғайлы.

Осығай орай және аймақтың дамуы үшін тұрақты әлеуметтік-экономикалық жағдай мен шет­­елдік инвестициялар санының артуына байланысты Маңғыстау облысының аумағында Қазақстан Республикасының азаматтарының ішінен мамандарды дайындау жөніндегі кеңестік қызметтер көрсету мен еңбек нарығын үйрену үшін, сонымен қатар, құрылыс пен жергілікті халықтың бос уақыты саласында қызмет көрсету бойынша мезгілдік жұмыстарға осы аймаққа жақын және алыс шетел мемлекеттерінен келетін шетел азаматтары мен мамандар ағысының жылдан жылға артуы байқалып отыр.

Егер 2011 жылдың он айында 67250 шет­елдік азамат келген болса, онда бұл көрсеткіш 2012  жылы 70304-ті құрады.

Жүргізілген талдау, тәртіп бұ­­­­­зушылардың басым бөлігі Өз­бекстан (Қарақалпақстан) Рес­публикасының азаматтары екендігін көрсетті.

Бұрын айтылғандай облыс аума­ғына ке­­лушілердің саны жыл­дан жылға артып отыр. Ке­лушілердің жалпы санының 90 пайызынан астамы табыс табу үшін келуші болып табылады.

Құқық қорғау органдары заңсыз көші-қонмен күресу жөнінен заңда көрсетілген барлық шараларды қолдануда.

Қазіргі таңда, барлық қала және аудандық ІІБ көші-қон по­­­­­лициясы бөліністері құ­жат­­­­­­тандыру және тіркеу мәселелері бойын­ша халықты қабылдау жұмыстарын Халыққа қызмет көрсету орталықтары (ХҚО) ғимараттарында жүргізіп келеді.

– Мейірхан Сағынбекұлы, өзіңіз бас­­қарып отырған департаментте мемлекеттік тіл мәселесі қалай шешілген?

– Елбасының өзі биылғы жылғы Қазақстан халқына Жол­­дауында айтқанындай «Қазақ тілі, біздің мемлекеттік тіліміз өсіп-өркендеп келеді. 2020 жылға қарай мемлекеттік тілді меңгергендердің қатары 95 пайызға дейін жететін болады. Еліміздің барлық мектептері мен оқу орындарында қазақ тілін оқыту үрдісі жүріп жатыр…».

Департаменттен шығатын шы­ғыс құжат­­­та­рының барлығы тек қана мемлекеттік тілде орындалады. Қажет болған жағдайда ғана немесе арыз, өтініш берушінің қалауы бойынша өзге тілде орындалуына жол бе­ріледі. Қылмыстық немесе әкімшілік істер­дің барлығы мемлекеттік тілде қозғалып барып, содан соң жәбірленушінің немесе арызданушының қалаған тілінде жал­ғастырылады. Іс қағаздарының мемлекеттік тілде орындалуы қатаң бақылауда ұсталады. Сондай-ақ, департаменттің жедел, аппараттық жиналыстары, семинар-кеңестер мемлекеттік тілде жүргізіледі. Департаментте осы мін­дет­­тер­ге жауапты мемлекеттік тіл және ақпарат бөлімі бар.

Әңгімелескен Шарафаддин ӘМІРОВ,

«Егемен Қазақстан».