Санитариялық-қорғау аймағының шекарасында (өртену орнынан 1 км) атмосфералық ауаның сынамалары 4 нүктеде келесі көрсеткіштер бойынша алынды: 1) азот оксиді; 2) азот диоксиді; 3) аммиак; 4) күкірт диоксиді; 5) РМ-10 қалқыма заттар; 6) қосынды көмірсутектер; 7) күкіртті сутегі; 8) көміртегі оксиді.
Алынған ауа сынамаларында ластаушы заттардың шекті рұқсат берілген көрсеткіштен асып кету фактісі тіркелген жоқ.
Сонымен қатар, Каспий теңізінің Қаламқас, Қаражанбас, Арман, «Маңғыстаумұнайгаз» АҚ жағалауындағы бөгет акваториясы, Батыс Бозащы және Қаламқас кен орнының өртену аудандарынан теңіз суының сынамалары алынды.
Теңіз суының сынамаларына 29 көрсеткіш, оның ішінде негізгі иондар, биогенді, органикалық заттар және ауыр металдар бойынша талдау жүргізілді.
Талдау нәтижелері теңіз суындағы ластаушы заттардың шекті жол берілген көрсеткіштен асып түспегенін көрсетті.
