«Қазіргі таңда ҚР ҰОК президенті Тимур Құлыбаевтың тапсырмасымен еліміздің олимпиадалық комитеті 2020 жылғы Олимпиада ойындарына ұлттық құрама командаларды мақсатты түрде дайындауға көшті. Бүгінге дейін Қазақстан тарапы Жапониямен әріптестік орнатып үлгерді. ҚР ҰОК пен Жапонияның Фукуока, Кашихара және Ибараки префектуралары арасында келісім орнатылып, Қазақстан спортшылары Жапониядағы климат жағдайына бейімделіп, оқу-жаттығу жиындарын өткізе бастады», - деп атап өтті ҚР ҰОК бас хатшысы Сәкен Мұсайбеков.
Қазақстан ҰОК спортта допинг қолдануға «нөлдік төзімділік» бағытын ұстанады, сондай-ақ, еліміздегі спорттық медицинаның дамуына мүдделі. Осы орайда, ҚР ҰОК Бас хатшысы Жапонияда медицина мен фармацевтика саласының алға басқанын айта келе, осы салада әріптестік орнату туралы ұсыныс білдірді. Жапония елшісі бұл сұраққа толығымен қызығушылық танытып, аталған ұсыныс бойынша барлық мүмкіндіктерді қарастыратынын жеткізді.
Жиын соңында ҚР ҰОК Бас хатшысы Тацукихо Касаи мырзаны Қазақстандағы елші қызметіне тағайындалуымен тағы бір мәрте құттықтап, әрі қарай әріптестік деңгейін көтере түсуге тілектестік білдірді. Сондай-ақ, Қазақстан спортшыларына Токиодағы Олимпиада ойындарында сәттілік тіледі.
