Осы мәліметтер арқылы қызметкердің рейтингісі анықталады. Тіпті алдыңғы қатардан көрінбегендер «қара тізімге» іліккен жағдайда басқа автопарктерге жұмысқа тұра алмауы мүмкін. Әзірге деректер қорына 3 мың 416 қоғамдық көлік жүргізушінің мәліметі енгізіліпті.
– Қаламызда көлік жүргізушілері өте көп. Сол себепті, бірыңғай деректер қорын жасадық. 600 жүргізушіні «Еңбек» бағдарламасы бойынша қайта оқуға жібердік. Жұмысына салғырт қарайтындарды босатамыз. Аттестациядан өткізу барысында олардың жартысына жуығы жол ережесін білмейтін болып шықты, – дейді Алматы қаласы әкімінің орынбасары Ерлан Әукенов.
Алматыдағы автобус парктері тұтастай жаңартылады. Осы мақсатта 544 су жаңа автобус сатып алынған. Сонымен қатар қаладағы барлық қоғамдық көліктерге бақылау камералары орнатылатын болады.
Арман ОКТЯБРЬ,
«Егемен Қазақстан»
АЛМАТЫ
