Конкурс барысында әскери медициналық қызмет мамандары әскерилердің жауынгерлік даярлығы барысындағы медициналық қамтамасыз етудегі өздерінің кәсіби деңгейі мен біліктіліктерін көрсетті. Конкурс екі кезеңге бөлінді, біріншісі - «Жеке шеберлік», ал екіншісі - «Командалық шеберлік». Бірінші кезең барысында әскери қызметшілер әскери-спорттық кедергілерден өтсе, кейін штаттық қарулардан атыс орындап, арнайы дистанцияда жеке құрамға медициналық көмек көрсету бойынша нормативтерді орындады. Екінші кезең, арнайы оқу-тактикалық алаңда және танкодром маршрутында өтті, ол жерде механик-жүргізушілер өңірдің күрделі жағдайында жүргізу шеберліктерін көрсетті.
Әскери медициналық қызметкерлер шартты түрде жарақаттанған адамды әскери техникадан алып шығып, бірінші медициналық-санитарлық көмекті көрсету бойынша кәсіби біліктіліктерін жақсы көрсете алды. Екінші кезеңде механик-жүргізушінің ұрыс жағдайында әскери техниканы басқару шеберлігі барлығын орнына қойды.
«Әлем жауынгері» халықаралық әскери ойындар конкурсына қатысатын команда құрамына 7 әйел және 7 ер адам кіреді. Оның екеуі дәрігер, 6 медициналық маман және 2 механик-жүргізушілер мен қосалқы қатысушылар.
Дайындық соңында Қарулы Күштердің іріктеу жарысынан өткен әскери қызметшілер Өзбекстан Республикасында өтетін халықаралық армиялық ойындар этапына қатысатын болады.
Гүлайым ШЫНТЕМІРҚЫЗЫ,
«Egemen Qazagstan»
Маңғыстау облысы