Әлімжеттік – әлсіздің ісі
Сәрсенбі, 21 наурыз 2012 8:18
Тұрмыстық зорлық-зомбылық. От басы-ошақ қасындағы ұрыс-керістің арты күш қолдануға, қол жұмсауға ұласса, анықтамасын осылай беретін болдық. Ең өкініштісі, тұрмыстық зорлық-зомбылықтың құрбаны көп жағдайларда әйелдер мен балалар болып жататыны. Өйткені ашуға бой алдырған қара күштің алдында әйел – әлсіз, бала – қорғансыз.
Сәрсенбі, 21 наурыз 2012 8:18
Тұрмыстық зорлық-зомбылық. От басы-ошақ қасындағы ұрыс-керістің арты күш қолдануға, қол жұмсауға ұласса, анықтамасын осылай беретін болдық. Ең өкініштісі, тұрмыстық зорлық-зомбылықтың құрбаны көп жағдайларда әйелдер мен балалар болып жататыны. Өйткені ашуға бой алдырған қара күштің алдында әйел – әлсіз, бала – қорғансыз.
Демек, күнделікті тіршілікте жекелеген отбасыларында әйелге зорлық көрсету оқиғалары болатынын мойындауымыз керек. Мысалы, ІІМ-нің аумақтық бөліністері отбасы-тұрмыстық қарым-қатынас саласында жасалатын зорлық-зомбылық деңгейін, нысандары мен тәсілдерін зерделеу мақсатында сауалнамалар, зерттеулер жүргізгенде, тұрмыстық зорлық-зомбылықтың көпшілігі әйелдерге қатысты болатыны дәлелденген.
Осы келеңсіздіктің алдын алу мақсатында ІІМ Көліктегі ішкі істер департаментінің Астана стансасы ішкі істер желілік басқармасының қызметкерлері өздерінің қызмет көрсету учаскесінде 2012 жылдың 12-14 наурызы аралығында тұрмыстық зорлық-зомбылықтың алдын алу мақсатында «Зорлық-зомбылықсыз үй» акциясын өткізді. Акцияны өткізу тобының жетекшісі, Астана стансасы ішкі істер желілік басқармасының кәмелетке толмағандар ісі жөніндегі топтың аға инспекторы, полиция майоры Нұржан Абыздың айтуынша, акцияның басты мақсаты әйелдерге қатысты зорлық-зомбылықтың алдын алу, оны болдырмау, Астана стансасы ІІЖБ-нің қызмет көрсету учаскесінде орналасқан оқу орындарында, мекемелер мен ұйымдарда, жолаушылар пойыздарында тұрмыстық зорлық-зомбылықты жоюға бағытталған ақпараттық-насихат жұмыстарын жүргізу болып табылады.
Акция барысында аталмыш топ мүшелері – Астана стансасы ІІЖБ ККБ аға инспекторы полиция капитаны Данияр Ордабаев, Астана стансасы ІІЖБ жолаушылар пойыздарына ілесіп жүру взводының командирі полиция аға лейтенанты Зейнулла Есенаманов, Астана стансасы ішкі істер желілік басқармасының кәмелетке толмағандар ісі жөніндегі топтың аға инспекторы полиция майоры Нұржан Абыз, Ақмола көлік прокуратурасы прокурорының көмекшісі Айжан Тайбекова пойыз жолаушыларына жаднамалар таратып, сауалнама жүргізді. Заңгерлік ақыл-кеңестер алам деушілер прокурордың көмекшісімен жеке отырып әңгімелесуге мүмкіндік алды.
Сауалнамалар елдің барлық өңірлерінде де жүргізілген және барлығы да әйелдерге қатысты зорлық-зомбылықтың бар екенін растайды. Қысқасы, тиісті органдарға, қоғамдық ұйымдарға, баршамызға өмір көркін бұзатын осындай келеңсіз көріністерді болдырмау, алдын алу бағытында атқарар іс көп.
Даниел ШАЙЫНҒАЗИН,
ҚР ІІМ Көліктегі ішкі істер департаменті баспасөз қызметінің инспекторы.
