Өткен жылы туризм саласы бойынша жалпы құны 491 млн. теңгені құрайтын 4 нысан іске қосылған. Жаңадан 80 жұмыс орны ашылған. Биыл жалпы құны 280 млн. теңге болатын 5 нысан іске қосылып, 110 жаңа жұмыс орны ашылмақ. Түркістан облысы Өңірлік коммуникациялар қызметінде өткен брифингте Сарыағаш ауданының әкімі Қайрат Әбдуәлиев биыл ауыл шаруашылығындағы өндірілген өнім көлемін 59 млрд. теңгеге жеткізу межеленіп отырғанын мәлімдеді. 88,8 шақырым болатын 12 нысанды жөндеуден өткізіп, қайта айналымға қосылатын суармалы жер көлемі 924 гектарға жеткізілмек. Сондай-ақ 56 әлеуметтік нысанның құрылысын жүргізу жоспарлануда. «Индустриалды инновациялық даму» бағдарламасы шеңберінде жалпы құны 450 млн теңгені құрайтын 1 инвестициялық жоба кәсіпкерлік қолдау картасына енгізілді. Жобаны іске 2019 жылы асыру жоспарлануда. Сондай-ақ, құны 220 млн. теңге болатын "макарон өнімдерін өндіру цехын құру" жобасы биыл іске асырылады. Жаңадан 25 адам жұмыспен қамтылады», – деді аудан әкімі. Сонымен қатар, ауданға биыл 23 млрд. теңгенің инвестициясын тарту межеленуде.
