Қызметіміз – халыққа

Сейсенбі, 22 мамыр 2012 7:14

Егеменді еліміздің ты­ныш­тығын сақтауда Ақтау қа­ласы Ішкі істер желілік бө­лімінің қызметкерлері міндет­терін абыроймен атқаруда. Аталмыш бөлімге қарасты аумақ күн сайын жіті бақы­ла­нып, темір жол көлігінің қауіпсіздігін қам­тамасыз ету бағытында жүйелі жұ­мыстар жүргізіледі. Жалпы, көліктегі полиция қызметі 1919 жылдан бері жұмыс істеуде. Со­ның ішінде 1990 жылы 3 ақпанда ҚР ІІМ №025 бұй­рығымен Ақтау қаласының Ішкі істер желілік бөлімі құ­рылған болатын. Киелі Маң­ғыстауда орын тепкен Ақтау бекеті – ыңғайлы және ең тиімді транзиттік нысан.

 

Сейсенбі, 22 мамыр 2012 7:14

Егеменді еліміздің ты­ныш­тығын сақтауда Ақтау қа­ласы Ішкі істер желілік бө­лімінің қызметкерлері міндет­терін абыроймен атқаруда. Аталмыш бөлімге қарасты аумақ күн сайын жіті бақы­ла­нып, темір жол көлігінің қауіпсіздігін қам­тамасыз ету бағытында жүйелі жұ­мыстар жүргізіледі. Жалпы, көліктегі полиция қызметі 1919 жылдан бері жұмыс істеуде. Со­ның ішінде 1990 жылы 3 ақпанда ҚР ІІМ №025 бұй­рығымен Ақтау қаласының Ішкі істер желілік бөлімі құ­рылған болатын. Киелі Маң­ғыстауда орын тепкен Ақтау бекеті – ыңғайлы және ең тиімді транзиттік нысан.

Аталған бекет Ақтау қа­ла­сынан 20 шақырым қашық­тықта орналасқан. Бұл жер қоғамдық көпшілік орын бол­ғаннан кейін мұндағы жасалатын қылмыстардың көпшілігі де ұрлық. Сол себепті жолаушылар жүктерінің, қол жүкте­рі­нің немесе жеке құжат­та­ры­ның жоғалып кетпеуін қам­та­масыз ету тікелей желілік ішкі істер қызметкерлерінің міндеті болып табылады.

Бұл орайда біздің міндет – мінсіз қызмет, – дейді бөлім бастығының орынбасары, полиция майоры Талғат Орпа­бай­ұлы. Бөлімдегі қызмет­кер­лер өз істерін жетік біледі. Қауіпсіздік шараларын қам­та­масыз ету үшін қызметкер­лер­дің білікті болуы ғана емес, білекті болуы да қажет. Біздің негізгі мақсатымыз стан­са аумағындағы қауіпсіз­дікті сақтау бол­ғандықтан, бірін­ші кезекте, қылмыстың алдын алу шараларына жіті мән береміз. Бұл шаралар вок­зал аумағы бойынша бір­неше бағытта жүзеге асырылады. Әрине, барлық қыл­мыс­тың алдын алу мүмкін емес. Күш-қайраты осал со­ға­тын адамға халықтың қауіп­сіздігін сақтауды сеніп тапсыра алмайтынымыз айқын. Егер ол қазаны қайнаған, хал­қы сапыры­лысқан вокзал сияқ­ты орын болса, әңгіме тіптен басқаша.

Сондықтан апта сайын жеке құрам­мен әскери қыз­мет­тік және дене тәрбиесі дайындық сабақтары өткі­зі­ле­ді. Ақтау қаласы желілік ішкі істер бөлімінің қызмет­керлері спорттық шараларда да жеңіс тұғырынан көрі­нуде. Футбол, волейбол се­кілді спорт түрлерінен өте­тін жарыстарда көбіне айымыз оңы­нан туады. Бір сөз­бен айт­қанда, біздің қызмет­кер­лер намысты қолдан бермеуге бар күш-жігерін салады.

Бөлім қызметкерлерінің за­ман талабына сай мемле­кет­тік тілде еркін іс жүргі­зуі­не жіті мән берілуде. Бұл ба­ғыт­та да көптеген жұмыстар атқарылып отыр. Мәдени-спорттық шаралар ұйымдас­ты­­руда қызметкерлердің бел­сенділігі басым. Жасыратыны жоқ, темір жол қауіпсіздігін қамтамасыз ету жұмыстары кезінде бөлім қызметкер­лері­нің жетіспеушілігі байқа­лып қалады. Баспана жағдайы да қыз­меткерлер үшін үлкен мә­се­ле. Дегенмен, қандай қиын­дық кездессе де, Ақтау ІІЖб қызметкерлері еш мойымай өз қызмет­терін қалтқысыз ат­қаруда.

Салтанат СМАИЛОВА,

Ақтау стансасындағы ІІЖб кадр жұмысы тобының инспекторы,

полиция лейтенанты.