Ұрлық анықталуда

Бейсенбі, 7 маусым 2012 7:21

Астана қаласы бойынша Қар­жы полициясы департаменті Ауыл шаруашылығы министрлігінің Су ресурстары комитеті лауазымды тұлғаларының «Ауыз су» са­лалық мемлекеттік бағдарламасы аясында бөлінген 1,5 млрд.теңге бюджет қаражатын ұрлау дерегі барлығын анықтады, деп хабарлады Қаржы полициясының баспасөз қызметі.

 

Бейсенбі, 7 маусым 2012 7:21

Астана қаласы бойынша Қар­жы полициясы департаменті Ауыл шаруашылығы министрлігінің Су ресурстары комитеті лауазымды тұлғаларының «Ауыз су» са­лалық мемлекеттік бағдарламасы аясында бөлінген 1,5 млрд.теңге бюджет қаражатын ұрлау дерегі барлығын анықтады, деп хабарлады Қаржы полициясының баспасөз қызметі.

Президент Жарлығымен ерекше стратегиялық маңызы бар деп танылған республиканың 7 облысында (Шығыс Қазақстан облысы, Батыс Қазақстан облысы, Қа­рағанды, Ақтөбе, Жамбыл, Қос­танай және Алматы облыстары) орналасқан 36 су жүйелерін тексеру барысында мұнда «Ауыз су» мемлекеттік бағдарламасы бойынша бөлінген 1,5 млрд.теңгені ұрлау дерегі анықтал­ған­дықтан 2012 жылғы 31 мамырда Ауыл шаруашылығы министрлі­гінің Су ресурстары комитетінің лауазымды тұлғалары мен өзге де адамдарына қатысты қылмыстық іс қозғалды.

Осындай көпқырлы тексерулерден жыл сайын 25 жылдан астам уақыт пайдаланылған жү­йе­лер мен құрылғылар өтуі тиіс. Олардың беріктілігі, тұрақтылы­ғы мен пайдалану жарамдылы­ғына қарап жағдайы анықталады. Аталған нысандарды тексеру қызметтеріне мемлекеттік сатып алудың конкурстарын өткізгенде Су ресурстары комитетінің лауазымды тұлғалары «Мемлекеттік сатып алулар туралы» Қазақстан Республикасының заңының нормаларын өрескел бұзумен жүргізгендігі анықталды.

Барлық 36 нысан бойынша атқарылған жұмыстардың жал­ған актілері жасалып, оларға қол қойылған. Бұл актілердің нәти­же­сінде «АККЕ Астана» ЖШС-не 1,5 млрд.теңге бюджет қара­жа­ты аударылған. Кәсіп­­орын басшысы ақшалай қара­жат­ты ием­­де­ніп өз қажетті­лік­те­ріне жұмсаған.

Бюджет қаражатын ұрлаудың осы дерегіне қатысы бар деген Су ресурстары комитетінің лауазымды адамдары саны анықта­луда.

Аталған дерек мемлекетке ірі көлемде залал келтірген жүйелі сипаттағы сыбайлас жемқорлық қылмыс болғандықтан және ау­қымы бойынша елдің тең жартысын дерлік қамтығандықтан, оны тергеу ісі Агенттік басшылы­ғы­ның ерекше бақылауына алынды.

Өзге ақпарат тергеу мүддесіне байланысты жарияланбайды.