Сенімділікті нығайту – басты бағдар
Сәрсенбі, 27 маусым 2012 7:12
Қазақстан халқы Ассамблеясы Еуропадағы қауіпсіздік және ынтымақтастық ұйымымен өте тығыз қарым-қатынаста бірнеше бағытта берекелі жұмыс істеп келеді. Соның бірі ұлттық мектептерде көптілділік жүйені, мемлекеттік тілді дамытуға байланысты бекітілген іс-шаралар, мемлекеттік қызметкерлердің сала бойынша біліктіліктерін арттыру, этносаралық қарым-қатынас бойынша мониторинг жүргізу жөніндегі жобалар жүзеге асуда. Ал осы бағыттардың ішіндегі негізгісі де ерекшелігі полиэтностық Қазақстандағы полиция қызметі болып отыр. Халық пен полиция қызметкерлерінің арасындағы сенімділікті нығайтуға байланысты 2008 жылы Қазақстан халқы Ассамблеясы мен ІІМ арасында сындарлы қанатқақты жоба енгізілген болатын.
Сәрсенбі, 27 маусым 2012 7:12
Қазақстан халқы Ассамблеясы Еуропадағы қауіпсіздік және ынтымақтастық ұйымымен өте тығыз қарым-қатынаста бірнеше бағытта берекелі жұмыс істеп келеді. Соның бірі ұлттық мектептерде көптілділік жүйені, мемлекеттік тілді дамытуға байланысты бекітілген іс-шаралар, мемлекеттік қызметкерлердің сала бойынша біліктіліктерін арттыру, этносаралық қарым-қатынас бойынша мониторинг жүргізу жөніндегі жобалар жүзеге асуда. Ал осы бағыттардың ішіндегі негізгісі де ерекшелігі полиэтностық Қазақстандағы полиция қызметі болып отыр. Халық пен полиция қызметкерлерінің арасындағы сенімділікті нығайтуға байланысты 2008 жылы Қазақстан халқы Ассамблеясы мен ІІМ арасында сындарлы қанатқақты жоба енгізілген болатын. Міне, осыған байланысты кеше Қазақстан халқы Ассамблеясының хатшылығы мен Ішкі істер министрлігі ЕҚЫҰ-ның Аз ұлттар істері жөніндегі Жоғарғы комиссары және ЕҚЫҰ-ның Астанадағы орталығымен бірлесіп «Қазақстанның полиэтностық ортасында полиция қызметін атқару» атты бірлескен жоба таныстырылымын өткізді.
Онда Қазақстан халқы Ассамблеясы Төрағасының орынбасары – Президент Әкімшілігі ҚХА хатшылығының меңгерушісі Ералы Тоғжанов, Қазақстан Республикасы Ішкі істер министрінің орынбасары Қайрат Тыныбеков, ЕҚЫҰ-ның Аз ұлттар істері жөніндегі Жоғарғы комиссары, елші Кнут Воллебек мырза, ЕҚЫҰ-ның Астанадағы орталығының басшысы, елші Наталья Зарудна ханым және т.б. сөз сөйледі.
Сөйлегендер полиция қызметі мемлекеттік қызмет жүйесінің барлық саласынан көрініс табады деп атап өтті. Ауылда да, ауданда да, қалада да олардың жұмысы қайнап жатады. Сондықтан, олар араласпайтын мәселе жоқ. Ендеше, олардың қызметінің полиэтностық саладағы маңызы да зор. Соған орай бұл аталған шараның мақсаты да Қазақстан мен ЕҚЫҰ жинақтаған осы саладағы тәжірибені ортаға салу, талдау озық және нәтижелі бағыттарын қарастыру болып табылды. Қазақстан әр уақытта шетелдердің тәжірибесін сараптап отырады. Талдау барысына Адам құқықтары жөніндегі уәкіл, Парламент Мәжілісінің депутаттары, Қазақстан Республикасының министрліктері мен ведомстволарының, Алматы және Оңтүстік Қазақстан облыстары әкімдіктерінің, ЕҚЫҰ-ның АҰЖК кеңсесінің, халықаралық ұйымдар, шетелдік сарапшылар, этномәдени бірлестіктер, үкіметтік емес ұйымдар өкілдері мен Ассамблеяның ғылыми-сарапшылық кеңесінің мүшелері қатысты.
Қазақстан халқы Ассамблеясы, Қазақстан Республикасының Ішкі істер министрлігі, ЕҚЫҰ-ның Аз ұлттар істері жөніндегі Жоғарғы комиссары және ЕҚЫҰ-ның Астанадағы орталығы арасында бірлескен жобаны жүзеге асыру жөніндегі аталған тараптардың өзара қарым-қатынасын реттейтін түсіністік туралы меморандумға қол қойды.
Жоба 2012 жылғы маусым – 2013 жылғы желтоқсан аралығында Қазақстан Республикасының Ішкі істер министрлігі мен ЕҚЫҰ-ның Астанадағы орталығының бірлесе ұйымдастыруымен жүзеге асатын болады. Оның жүзеге асуына ЕҚЫҰ-ның полиция қызметінің стратегиялық мәселелер бөлімі мен Ұлыбритания полиция қызметі саласының сарапшылары қолдау білдіреді. Жобаның басталуы жөніндегі жоғары деңгейдегі іс-шараны өткізумен қатар, Алматы және Оңтүстік Қазақстан облыстарының жоғары және орта құрамдағы полиция офицерлері үшін тәжірибелік семинарлар, оқу бағдарламасын әзірлеу жөніндегі бірлескен жұмыс тобының отырысын, полиция қызметкерлерін даярлау жөніндегі оқу орталығы үшін арнайы мамандарды оқыту шараларын өткізу жоспарланып отыр.
Александр ТАСБОЛАТОВ,
«Егемен Қазақстан».
