Аймақтар • 18 Сәуір, 2019

«Үздік мемлекеттік қызметкер » конкурсына қатысушылар саны артып келеді

949 реткөрсетілді

Бұл жайында Өңірлік коммуникациялар қызметі алаңында өткен брифингте ҚР мемлекеттік қызмет істері және сыбайлас жемқорлыққа қарсы іс-қимыл агенттігінің Маңғыстау облысы бойынша департаментінің мемлекеттік қызмет басқармасының жетекші маманы Хакимбек Атадусов мәлімдеді.

-Мемлекеттік қызметкерлерді ынталандырып, ерекше ықыласын ояту мақсатында ұйымдастырылатын конкурстың бүгінгі таңда ауқымы өте кең. Оны аудан және облыс орталықтарынан қатысуға ниет білдірген үміткерлердің санының артуынан байқауға болады. 2018 жылдың қорытындысы бойынша 27 үміткер өңірлік кезеңде бақ сынаса, оның 20-сы Республикалық кезеңге жолдама алды. Олардың ішінде Маңғыстау облысының атынан қатысқан екі қатысушымыз Бауыржан Тұяқов пен Рамир Алекберов жеңімпаз атанды. Қатысушы бір сәтке болсын жұмысбастылықтан арылып, білім мен біліктілігін көрсетіп, тәжірибесін шыңдайды. Сондықтан мемлекеттік қызметкерлердің оң имиджін қалыптастырып, осы салаға қызығушылығын арттыру қажет, дейді ҚР мемлекетік қызмет істері және сыбайлас жемқорлыққа қарсы іс-қимыл агенттігінің Маңғыстау облысы бойынша департаментінің мемлекеттік қызмет басқармасының жетекші маманы Хакимбек Атадусов.

Аталған конкурсқа 1 жыл мемлекеттік қызметте өтілі бар, әкімшілік және тәртіпті жазалары жоқ мемлекеттік қызметшілер қатыса алады. Бұл орайда үміткер өз қызметіндегі өзекті мәселелерді шешуге қосқан жеке үлесі, алға қойған мақсаттарын жүзеге асыру барысында жеткен жетістіктерімен ерекшеленеді.

-Бұл конкурс маған ерекше мотивация болды. Санамда жеңіске деген ұмтылыс, қызметіме деген зор ықыласым биікке шығарды. Ұйқысыз өткізген күндерім текке кетпегенін, бүгінде әріптестерімнің маған мақтанышпен қарағанынан түсінемін. Бір түйгенім, адам өзін дамытудан ешқашан жалықпау керек. Бұл сайыстың арқасында көп нәрсе үйрендім. Республикалық кезеңде облысымыздың атын асқақтатқаныма қуанамын, дейді «Үздік қызметкер- 2018» жеңімпазы, Маңғыстау облысы жастар мәселесі жөніндегі басқарма басшысы Бауыржан Тұяқов.

Өңірлік және Республикалық кезеңде өткізілетін конкурсқа құжаттар 5- сәуір мен 5- мамыр аралығында қабылданады. Үміткердің конкурсқа қатысу туралы өтініші, сондай-ақ  «Не себепті мен үздік мемлекеттік қызметші атағына лайықтымын?» тақырыбында жазылған мотивациялық эссесі болуы міндетті.

Қатысушыларды бағалау үшін конкурстың бірінші кезеңінде өңірлік комиссия құрылады. Оза шауып, үздік деп танылған жеңімпаздар 23-маусым «Мемлеттік қызметкерлер күні» қарсаңында марапатталып, Республикалық кезеңге жолдама алады. 

-Жыл сайын әр  мекеме жас мамандармен толығуда. Олардың «Әдеп кодексінен» бастап, заңнамаларды білу деңгейін саралау үшін бұл конкурстың маңызы зор. Былтырғы жылмен салыстырғанда қатысушылар дені артып, конкурсқа деген қызығушылық басым болғаны бізді қуантады. Бұл шара мемлекеттік қызметкердің өзін басқа қырынан танытып, шығармашылық тұрғыдан дамып, көптеген мүмкіндіктерге қол жеткізуіне мол мүмкіндік. Сондықтан бұл шараның жоғары деңгейде өтуіне қоғам болып атсалысуымыз керек, деген пікірде комиссия мүшелері –«FORTE BANK» АҚ филиалының директоры Аббат Өрісбаев және «Маңғыстау Медиа» ЖШС директоры Айсұлу Дутбаева.


Маңғыстау облысы




Баннер
Соңғы жаңалықтар

Тойтөбеге  саяхат 

Аймақтар • Кеше

Ай соңына дейін жұмысын аяқтайды

Аймақтар • 19 Шілде, 2019

Арыс балалары Бөбекте демалады

Аймақтар • 19 Шілде, 2019

Қарсыласы қарымды

Кәсіпқой бокс • 19 Шілде, 2019

Полицей сәбиді құтқарып қалды

Аймақтар • 19 Шілде, 2019

Тандыр наннан шеге шықты

Аймақтар • 19 Шілде, 2019

Аптап ыстықта өрт көбеюі мүмкін

Аймақтар • 19 Шілде, 2019

Игі істің игілігін көруде

Аймақтар • 19 Шілде, 2019

«Жәрдем» жобасының жәрдемі

Аймақтар • 19 Шілде, 2019

Әкімдерге бағаны халық беруі керек

Қазақстан • 19 Шілде, 2019

Жер құнарын жақсарту қажет

Қазақстан • 19 Шілде, 2019

«Jastar kerýeni» жолға шығады

Аймақтар • 19 Шілде, 2019

Жаңа мүмкіндіктерге жол ашады

Қазақстан • 19 Шілде, 2019

Ұқсас жаңалықтар