Тазалық пен шынайылықтың кепілі

Сенбі, 3 қараша 2012 7:19

Қазіргі мынау алмағайып заманда құқық қорғау органда­рының орны бөлек. Әсіресе, бар әлемді тапшылық қыспағы тарылта қысып келе жатқан шақта ақты ақ, қараны қара деп әділ­діктің ақ туын түсірмей ұстау адал адамдарға арқау болудың ардақты амалы екендігі сөзсіз. Бұл орайда әділдік пен адал­дықты жүзеге асыру құқық қор­ғау қызметкерлерінің абыройлы да арлы ісі. Ал ондай адамгер­шілік қасиеттерді қызметте қол­дану адам баласына ортақ тәр­тіп пен заңдылықты сақтай білуге көмегін тигізеді. Ендеше, осыған орай бұл ойымызға шынайы дәлел ретінде Экономика­лық қылмысқа және сыбайлас жем­қорлыққа қарсы күрес агент­тігінде (қаржы полициясында) ведомствоның қызмет­керлері арасында тәртіп пен заң­ды­лық­ты күшейту мақсатын­да Агент­тік Төрағасы Р.­Т.Тү­сіп­беков қар­жы полициясы органдары қыз­меткерінің кәсіби этика кодексін (бұдан әрі – Кодекс) бекітті.

Сенбі, 3 қараша 2012 7:19

Қазіргі мынау алмағайып заманда құқық қорғау органда­рының орны бөлек. Әсіресе, бар әлемді тапшылық қыспағы тарылта қысып келе жатқан шақта ақты ақ, қараны қара деп әділ­діктің ақ туын түсірмей ұстау адал адамдарға арқау болудың ардақты амалы екендігі сөзсіз. Бұл орайда әділдік пен адал­дықты жүзеге асыру құқық қор­ғау қызметкерлерінің абыройлы да арлы ісі. Ал ондай адамгер­шілік қасиеттерді қызметте қол­дану адам баласына ортақ тәр­тіп пен заңдылықты сақтай білуге көмегін тигізеді. Ендеше, осыған орай бұл ойымызға шынайы дәлел ретінде Экономика­лық қылмысқа және сыбайлас жем­қорлыққа қарсы күрес агент­тігінде (қаржы полициясында) ведомствоның қызмет­керлері арасында тәртіп пен заң­ды­лық­ты күшейту мақсатын­да Агент­тік Төрағасы Р.­Т.Тү­сіп­беков қар­жы полициясы органдары қыз­меткерінің кәсіби этика кодексін (бұдан әрі – Кодекс) бекітті.

Жоғарыда айтқанымыздай, Кодекс қызметкердің адамгер­шілік келбеті мен кәсіби мінез-құлқына қоғамдық бақылау тәсілдерінің бірі болып табылады. Яғни, бұл Кодекс адамгер­шілік құндылықты, қаржы полициясы органдарындағы қыз­мет қағидалары мен міндет­те­рін, қызметкердің сыбайлас жем­қорлыққа қарсы мінез-құ­лық қалыптарын, сондай-ақ олар­дың қызметтегі және қыз­мет­тен тыс мінез-құлқын, ұжым­дағы өзара қарым-қаты­настарға қойылатын талаптарды айқындайтын кәсі­би-этикалық норма. Бұл орайда қаржы полициясы қызметкер­лері ел Конституциясын, заң­дарын және басқа да құқықтық нормативтік актілерін мүлтіксіз орындап, адамның және аза­маттың ар-на­мысы мен абыройын құрметтеуі тиіс және мем­лекеттік билік пен қаржы полициясы органда­ры­ның беделін түсіретін әре­кет­терді болдыр­мауға міндетті.

Ал кәсіби этика кодексінің ережелерін сақтау – қаржы полициясы органдарында қызмет­те болудың ажырамас бөлігі. Бұл қаржы полициясының аза­маттардың құқықтарын және мемлекеттің мүддесін қорғай­тын құқық қорғау органы ре­тінде беделін күшейте түседі. Сөйтіп, қаржы полициясының қызметкерлері өзін ашық және ақ жарқын, ұқыпты және кіші­пейіл, азаматтармен қарым-қатынасын сыпайы ұстайды.

Кодекспен қаржы полициясы органдарының басшы құрамына қойылатын кәсіби-этикалық талаптар айқындалады. Осының арқасында олардың қызметтік міндеттерін орындау кезіндегі сыртқы пішіміне, яғни нысанды және азаматтық үлгідегі киімді киюіне, автокөлікті басқару ке­зіндегі мінез-құлқы мен қызмет­тік куәлікке деген көзқарасына қо­йылатын талаптарды белгілейді.

Өйткені, басшы адам Ко­декс­тің қағидаттары мен нормаларын мүлтіксіз сақтауда жеке үлгілі болуы, өзіндік абыройы мен қарамағындағы қызметкер­дің пікірін құрметтеуде табан­дылық көрсетуі, жоғары талап қоя білуі, сонымен қатар, та­мыр-таныстыққа және ағайын­шы­лыққа жол бермеуі тиіс.

Сондай-ақ, Кодекс этикалық қақтығыс, мүдделердің қақ­ты­ғысы ұғымдарын, сондай-ақ олардың алдын алу мен шешу жолдарын анықтайды. Сыбайлас жемқорлық әрекетіне, сон­дай-ақ қызметкердің ар таза­лығы сатылмауы, қызмет мүд­делеріне беріл­гендігіне, қызмет­тік борышына адалдығына, адам­гершілік қасие­тіне анықта­ма беріледі. Сөйтіп, өзіне зор адамгершілік міндет­терін қа­былдау қызмет­кер­дің сыбайлас жемқорлыққа қарсы мі­нез-құл­қындағы кәсіби-этика­лық негізі болып табылады.

Ал, ең бастысы, Кодекс қаржы полициясы органда­ры­ның қызметкерлері қызметтік міндеттерін орындау кезінде оларға қауіп-қатер төнгенде, бопсалау, қорлық пен жала жабылған жағдайда мүдделерін қорғауға кепілдік береді.

Александр ТАСБОЛАТОВ,

«Егемен Қазақстан».