Аралас некені ашық насихаттағаны қалай?
Сенбі, 19 мамыр 2012 7:42
Қазақ «жолы жіңішке», «жартжұрттыққа жаралған» қыз баланы қанша мәпелесе де, қырық үйден тыйым сала білген. Соған орай ұлттық тәлім-тәрбиені тал бойына ұялатып, зердесіне тоқып өскен. Елі менен ерінің тілеуін тілеп, асыл жар, жақсы келін, өнегелі ана болуды пір тұтқан.
Сенбі, 19 мамыр 2012 7:42
Қазақ «жолы жіңішке», «жартжұрттыққа жаралған» қыз баланы қанша мәпелесе де, қырық үйден тыйым сала білген. Соған орай ұлттық тәлім-тәрбиені тал бойына ұялатып, зердесіне тоқып өскен. Елі менен ерінің тілеуін тілеп, асыл жар, жақсы келін, өнегелі ана болуды пір тұтқан.
Өкініштісі сол, бүгінде қыздарымыздың кей қылықтары қарадай түңілдіреді. Жат әдеттерге еліктеп, тағылымды дәстүрлерден алшақтап кеткені соншалық, оның соңы опа бермес неше түрлі келеңсіздіктерге ұласып барады. Бұлай түңіле сөйлеуіме мына оғаш жайт түрткі болып, қолыма еріксіз қалам алдыртты. Облыс орталығында Қазақстан халқы бірлігі мейрамы тойланып жатқан. Ұлттық-мәдени бірлестіктерге грант тапсыру рәсімінен кейін ортаға жас жұбайлар үлкен салтанатпен шақырылып, арнайы сый-сияпат жасалды. Осы кезде мерекелік көңіл-күйім су сепкендей басылып сала берді. Әп-әдемі қарындасымыздың өзге ұлт өкілінің етегінен ұстағаны ерсі, оғаш көрінгеніне емес, аралас некені ашық насихаттап, мемлекеттік саясаттың бір бағытына айналдырып жіберген Петропавл қалалық әкімдігі мен ішкі саясат бөлімінің ұстанымына қатты қапаландым. Жергілікті азаматтық хал актілерін тіркеу мекемесінің деректері шошындырады. Оған қарап қазақ қыздарының басқа ұлт өкілдеріне тұрмысқа шығуы, олардың жетегінде теңіз, мұхит асып кетуі қалыпты үрдіске айналған ба деп қаласың.
Олай болса, жергілікті орындардың ұлағатты ұрпақ өсіріп отырған алтын құрсақты, нағыз қазақы аналар мен отбасыларды үлгі етудің орнына аралас некені ашық дәріптеп, жұртшылыққа жар салуына жол болсын?!.
Бақыт РАМАЗАН.
Петропавл.
