Матч миниатюралары
Сейсенбі, 12 маусым 2012 7:01
* Чемпионаттың алғашқы үш күнінде (8-10 маусым) үш топ (A, B, C) командалары бірінші матчтарын өткізді.
* Польшаның – 4, Украинаның 2 қаласында өткен бұл ойындарды 244 605 көрермен стадиондарда тамашалады.
* Кездесулерде 15 гол соғылды. Олардың 7-і бірінші, 8-і екінші таймда салынды.
Сейсенбі, 12 маусым 2012 7:01
* Чемпионаттың алғашқы үш күнінде (8-10 маусым) үш топ (A, B, C) командалары бірінші матчтарын өткізді.
* Польшаның – 4, Украинаның 2 қаласында өткен бұл ойындарды 244 605 көрермен стадиондарда тамашалады.
* Кездесулерде 15 гол соғылды. Олардың 7-і бірінші, 8-і екінші таймда салынды.
* Әр ойында орта есеппен қақпаларға 2,5 доптан түсірілді.
* Біріншіліктің бірінші голын Польша-Грекия арасындағы матчтың 17-минутында поляк құрамасының шабуылшысы Роберт Левандовски салды. Ал бірінші дубльді жасау еншісі Ресей командасының шабуылшысы Алан Дзагоевқа бұйырды. Оның бұл жетістігін хорват Марио Манджукович соңғы күні қайталады. Бұлардан басқа тағы мына футболшылардың еншісінде 1 доптан бар: Марио Гомес (Германия), Нивица Елавич (Хорватия), Микаэль Крон-Дели (Дания), Антонио ди Натале (Италия), Роман Павлюченко (Ресей), Вацлав Пиларж (Чехия), Димитрис Салпингидис (Грекия), Шон Сент-Леджер (Ирландия), Сеск Фабрегас (Испания), Роман Широков (Ресей).
* Алғашқы 6 ойында 2 ойыншы алаңнан қуылып, 20 ойыншы ескерту алды. Чемпионаттың бірінші «сары қағазы» Грекия құрамасының қорғаушысы Сократис Папастатопулосқа көрсетілді. Ол алаңнан да бірінші болып қуылды. «Қызыл қағаз» алған екінші ойыншы – Польша командасының қақпашысы Войцех Щесны.
* Бірінші 11 метрлік соққы Польша құрамасы қақпасына бағытталды. Ол команда қақпашысы Войцех Щесныйдың гректер форварды Димитрис Салпингидисті өз айып алаңында рұқсат етілмейтін тәсілмен құлатқаны үшін белгіленді. Бұл пенальтиді гректердің команда капитаны Гиоргос Карагунис түсіре алмады. Оның ұрған добын алаңға енді шыққан қақпашы Пшемыслав Тытонь қолымен қайтарды.
* Өткен ойындардың әрбірінде бір-бір футболшы үздік деп танылды. Ондай атақтарға Димитрис Салпингидис (Грекия), Алан Дзагоев (Ресей), Симон Поульсен (Дания), Марио Гомес (Германия), Андреа Пирло (Италия), Марио Манджукович (Хорватия) қол жеткізді.
ЖАҢАЛЫҚТАР ЖАҢҒЫРЫҒЫ
Грекия құрамасы қатарынан бір ойыншы шығып қалды. Пирей «Олимпиакосының» орталық қорғаушысы Авраам Пападопулос Польшамен өткен бірінші мачтың бірінші таймының соңына қарай тізесінен жарақат алып қалды. Осыдан соң алаңнан кетуге мәжбүр болған оның қалған ойындарға да қатыса алмайтыны қазір белгілі болды.
Чемпионаттың бірінші күні 16 қоғамдық тәртіпті бұзушылық орын алды.Бұл туралы Польша спорт және туризм министрі Иоанна Муха мәлімдеді. Оның айтуынша, бұдан басқа тағы 314 адам дәрігерлердің көмегіне жүгінген. Бұған қоса, ресейлік бір топ жанкүйер Ресей-Чехия матчынан кейін бүлік шығарып, стюардтарды соққыға жыққан. Олардың осы бейбастақтықтары үшін енді Ресей футбол федерациясының жаза алатын түрі бар. УЕФА бұл мәселені өзінің 13 маусым күнгі отырысында қарайды.
Гус Хиддинк Ресей құрамасы жартылай финалда голландтықтармен кездеседі деп есептейді. Ресейліктердің бұрынғы бас жаттықтырушысы Нидерландыда шығатын газеттердің бірінде осындай болжам білдірген. Өз сөзінде ол: «Мен орыстар өте қауіпті деп санаймын. Біріншіден, Дик Адвокаттың командасы іріктеу турнирі барысында жақсы нәтижелерге қол жеткізді, екіншіден, оның құрамында өздеріне сенімді өте тәжірибелі ойыншылар бар», деді.
