Олжалы оралуларына тілектеспіз
Сейсенбі, 17 шілде 2012 7:23
Төрт жылда бір айналып келетін Олимпия ойындарында төрткүл дүниенің спортшылары жиналып, бақтарын сынайды. Олимпиадаға қатысуды армандамайтын спортшы болмайды. Әрине, әр спортшының осынау әлем жұртшылығы көз тіккен спорт додасында өз елінің байрағын желбіретіп, мемлекетінің мерейін үстем етуге тырысатыны да сөзсіз.
Лондон Олимпиадасына жолдама алған 100-ден астам спортшының ішінде біздің өңірдің намысын 62 кило салмақтағы штангашы Фархад Харки мен 100, 200 метр қашықтықта және 4х100 метр эстафетада сынға түсетін суда жүзгіш Александр Трабриннің қорғауы көңілімізді марқайтады. Бұл бүкіл спортшы қауымын қуанышқа бөлейді, кейінгі толқын балғын спортшылардың жаңа биіктерді бағындыруға қозғау салады.
Сейсенбі, 17 шілде 2012 7:23
Төрт жылда бір айналып келетін Олимпия ойындарында төрткүл дүниенің спортшылары жиналып, бақтарын сынайды. Олимпиадаға қатысуды армандамайтын спортшы болмайды. Әрине, әр спортшының осынау әлем жұртшылығы көз тіккен спорт додасында өз елінің байрағын желбіретіп, мемлекетінің мерейін үстем етуге тырысатыны да сөзсіз.
Лондон Олимпиадасына жолдама алған 100-ден астам спортшының ішінде біздің өңірдің намысын 62 кило салмақтағы штангашы Фархад Харки мен 100, 200 метр қашықтықта және 4х100 метр эстафетада сынға түсетін суда жүзгіш Александр Трабриннің қорғауы көңілімізді марқайтады. Бұл бүкіл спортшы қауымын қуанышқа бөлейді, кейінгі толқын балғын спортшылардың жаңа биіктерді бағындыруға қозғау салады.
Біз жерлестерімізге ғана емес, бүкіл қазақстандық олимпиадашыларға жанкүйерміз, олардың табысты оралатынына сенімдіміз. Себебі, егемен елімізде кәсіби және бұқаралық спортты дамытуға басымдық берілуде, жан-жақты жағдай жасалуда. Спорт халықтар арасындағы бірлік пен ынтымақты бекітетін елші десе де болғандай. Сондай-ақ, жас, тәуелсіз мемлекетімізді әлем жұртшылығына кеңінен танытудың да бір мүмкіндігі деп ойлаймын. Мен спортшы ретінде Олимпиадаға қатысатын әріптестерімді түсінемін. Олар үлкен толқу үстінде. Олимпиадада еліміздің көк байрағын желбіретсем деген арман қанатында жүргендеріне сенімдімін.
«Баласы атқа шапса, анасы тақымын қысып отырады» дегендей, біз де әр жарысты асыға күтеміз. Алыста болсақ та іштей өңірден үкілі үмітпен аттанған Фхарки мен Трабринге қолдау көрсетіп, көкейлерінде қонақтаған биіктерден көрінулеріне тілекші болып отыратынымыз сөзсіз. Біздің білуімізше, екеуі де жас спортшылар. Бабы келіссе, бағы жанады деген ойдамыз. Әсіресе, Фархад Харкидің ел біріншілігінде жұлқа көтеруде 137 кило, серпе көтеруде 180 кило нәтиже көрсетіп, қоссайыста 317 кило көтергені Олимпиадада жүлдегерлер қатарына ілігуден үміттендіреді.
Мен өзім гір спортымен айналысамын. Гір спортынан әлемнің бірнеше дүркін чемпионымын. Сондықтан да спорт жарыстарын жібермей қараймын. Сол дүбірлі додаларда қазақстандықтардың бәйге төрінен көрінгеніне ішім бұрып тұрады. Бұл жолы да қазақстандық спортшылар бұрынғы Олимпиадада қол жеткен жетістіктерден жоғары биіктерді бағындырады деп ойлаймын. Бұған берік негіз бар. Олимпиадашыларымыздың талабы оң, жолы жарқын болсын, лайым.
Евгений ГОНЧАРОВ,
гір спортынан әлемнің он бір дүркін чемпионы.
Ақтөбе облысы.
