Аула клубы – тәрбие орталығы

Сәрсенбі, 18 шілде 2012 7:22

Қостанай қаласында жазғы кезеңде 18 аула клубы жұмыс істейді, оларда түрлі 46 үйірме ұйымдастырылған. Соның ішінде жұмысы мемле­кеттік тілде жүргізілетін үйірмелер, спорт жө­­ніндегі тәжірибелі нұсқаушылар жүргізетін 75 спорттық секция бар. Жаз басталғалы бү­гінге дейін облыста 10 мыңнан астам бала спорт­тық іс-шараларға, туристік сапарларға тартылды.

Сәрсенбі, 18 шілде 2012 7:22

Қостанай қаласында жазғы кезеңде 18 аула клубы жұмыс істейді, оларда түрлі 46 үйірме ұйымдастырылған. Соның ішінде жұмысы мемле­кеттік тілде жүргізілетін үйірмелер, спорт жө­­ніндегі тәжірибелі нұсқаушылар жүргізетін 75 спорттық секция бар. Жаз басталғалы бү­гінге дейін облыста 10 мыңнан астам бала спорт­тық іс-шараларға, туристік сапарларға тартылды. Туристер слеттері өтті. Қалада өсіп жатқан балалар үшін жаз айларында таза ауада жүрудің, се­ру­ендеудің маңызы өте үлкен екенін айтып жатудың өзі артық болар. «Саяхат» аула клубының жұмысы туған өлкенің қызықты жерлеріне экскурсия жа­сауға бағытталған. Оның мүшелері жаз айларында табиғат аясына шығады, палаталық лагерь ұйым­дастырады. Биыл да ол осы жұмысын белсенді жүргізіп отыр. Далада палата тігіп, костер жағып, таза ауада тамақ пісіру, түрлі кедергілерден өтуге талпыну қалада ақсаусақ болып өсіп жатқан ұлдар мен қыздарды өмірге икемділікке де үйретеді.

«Әскер» әскери-патриоттық аула клубы 2008 жылдан бері жұмыс істеп келеді. Мұн­да 13-18 жастағы алпыстан астам жасөспірімдер мен қыздар бос уақытын өткізеді. Жаз қызығын пайдалы іспен ұштастыру басты мақсатқа айнал­ған. Олар ойынмен жүріп өрт сөндіру ісіне дайындалады, әскери-тактикалық және арнайы дайын­дықты зерделейді. Спорттың бірнеше түрінен сек­ция­лар жұмыс істейді. Сонымен қоса, балалар әскери топография ісін және қысылшаң жағдайда қалай тығырықтан шыға білу керектігін де аула клуб­та­рының саяхатында үйренеді. Мұндай сая­хаттар­дың балаларды адамгершілікке, достыққа тәрбие­леуде де маңызы зор.
Қай кезде де түрлі жарыстар демалыстың қы­зығын арттыра түседі. Аула клубтары да өз жұ­мысымен тұйықталмай, жаз бойына республика­лық, халықаралық жарыстарға қатысып тұрады. Мысалы, «Әскер» клубының түрлі жарыстардан алған кубоктары мен медальдерінің саны қырық­тан асады! Ол көрші Ресейдің Магнитогор, Челябі қалаларындағы аула клубтарымен тығыз байланыс орнатқан. Жақында әскерліктер спорттың жұдырықтасу түрі бойынша облыстық фестивальде екінші орынды, ал «Алау» әскери-патриоттық ойындарында үшінші орынды иеленді. «Әскер» аула клубында қол күресінің облысқа, одан қалды республикаға танымал Бауыржан Темірханов, Еркебұлан Әбішев, Темірлан Мұңайтпасов, Владислав Малык, Максим Унрау сияқты майталмандары тәрбиеленіп шықты.
«Тайпалар слеті», «Болашақ сарбаз» әскери-патриоттық ойындары балаларды нағыз ептілікке тәрбиелейді. Оның қызығы да бір төбе. Үндіс­тердің киімін киіп алған балалар нағыз тапқырлық пен ептілікті көрсету үшін таласады. Ал әскери-патриоттық ойындарда автомат жинау, граната лақтыру, қауіпті жерлерді минадан тазарту сияқты түрлі сыннан өтеді. Аула клубтары үшін жаз қызығы оқу басталғанға дейін таусылмайды. Тамыз айында «Жеңіске қарай алға!» атты спарта­киа­да аула клубтарының басын қосады.
Епті, күшті, шыныққан, ержүрек жас өз Ота­нының патриоты да бола алады. Өйткені, ол қан­дай қиындыққа да қарсы тұра алады. Өзіне сенім­ді адамның көзқарасы, пікірі де тұрақты. Ол өзге жастарға да жақсы үлгі болады. Осындай жас­тардың қатары толысып жатса, аула клубтарының да мақсатқа жеткені деп білеміз.
Владимир РУСОВ, 
«Әскер» аула клубының жетекшісі.

Қостанай.