Азия біріншілігі Қырғызстан астанасы Бішкекте өткен болатын. Мақтаарал ауданында туып-өскен Төлегеннің бұл бірінші жеңісі емес. Алматы қаласындағы республикалық мамандандырылған спорт мектебін бітірген ол 2015 жылдан бастап джиу-джитсумен айналысып келеді. Еліміздің бірнеше дүркін чемпионы атанды. Сондай-ақ, 2016 жылы ережесіз жекпе-жектен «Алаш прайд» додасының жеңімпазы болды. Ал 2018 жылы Панамада өткен джиу-джитсу бойынша Әлем кубогында Төлеген Атақұлов күміс жүлдегер атанып, ел абыройын асқақтатты.
Чемпион аудан тұрғындарымен кездесуде спортқа келген сәттеріндегі қиындықтар мен жеңістері жөнінде баяндады. Мақтаарал топырағында дүниеге келгенін мақтан ететіндігін жеткізді. Жас спортшылардың сұрақтарына жауап беріп, салауатты өмір салтын ұстануға шақырды. Ал жерлестері чемпионға ат мінгізіп, спорттық жеңістер тіледі. Сондай-ақ, Азия чемпионы аудан әкімі Б.Асановтың қабылдауында болып, жастар тәрбиесі, спорт саласын дамыту тақырыбында пікір алмасты.
Түркістан облысы
