Солтүстік Қазақстан облысында 21 сәуірде Есіл өзені деңгейінің көтерілуі салдарынан «Челябинск-Новосибирск» республикалық маңызы бар автожолының үстімен су жүрді. Заречный кентіндегі (Петропавл қаласының аумағында) тұрғын үйлерге қауіптенген жоқ. Шүлбі су қоймасынан жоспарлы су ағызылуына байланысты Павлодар облысы бақылауға алынды.
Оның айтуынша, өткен жылмен салыстырғанда, биыл жағдай тұрақты, қандай да бір қиындық болған жоқ. Тек наурыз айының соңы мен сәуір айының басында Ақмола облысында ғана тұрақсыз жағдай орын алған еді. Жедел түрде тұрғындар қауіпсіз жерге көшірілді, су сорып шығарылды. Қираған және апатты жағдайда тұрған үйлер тіркелмепті.
Айта кетейік, су тасқыны кезеңі басталғанға дейін ТЖД жергілікті атқарушы органдармен бірлесіп шаралар кешенін қолға алған. 11 мың шақырым арықтар мен арналарды тазалау жұмыстары жүргізілді. Елді мекендерден 12 млн текше метр қар шығарылды. Автомобиль жолдарында 33 мың, теміржолдарда 7 мың су өткізу құрылыстары тазартылды. Су тасқынының алдын алу және салдарын жою үшін 10 мың тонна жанар-жағармай, 281 мың тонна инертті материал, 1 млн қап пен 40 тонна жарылғыш заттар қоры дайындалды.
Сонымен қоса, министрдің орынбасары жыл сайын су тасқыны қауіпсіздігін сақтауға қатысты халықтың белсенділігі артып келе жатқанын жеткізді.
Төтенше жағдай аумағында қалуы мүмкін халықты алдын ала құлақтандырған біздің бөлімшелердің жұмысы нәтиже берді. Өйткені адамдардың көбі қатерді сезініп, баспанасын су тасқынынан қорғауға және шұғыл эвакуацияға әзірлеу шараларын қабылдайды. Олар эвакуация жағдайында алу үшін аса қажетті заттарды – құжаттарын, ақшаларын алдын ала дайындап қояды тұрғындардың қай жерде жиналатынын біледі, – деді ол.
Ю.Ильиннің пікірінше, тұрғындардың белсенділігі адам шығынына жол бермеуге, тұрғындарды шұғыл эвакуациялауға мүмкіндік жасайды.
