Аймақтар • 08 Мамыр, 2019

Кентау қаласында 180 отбасы баспаналы болды

786 рет көрсетілді

Отан қорғаушылар мерекесі күні, Ұлы Жеңістің 74 жылдығы қарсаңында Кентау қаласында 180 отбасы баспаналы болды.

60 пәтерлі көпқабатты 3 тұрғын үйдің 90 пәтері - көпбалалы отбасыларға, ал 37-сі - жетім балаларға, қалған 53 пәтер – «Нұрлы жер» бағдарламасымен беріліп отыр. Пәтер кілтін салтанатты табыстау рәсімінде облыс әкімі Өмірзақ Шөкеев тұрғындарды құттықтады. «Баспана беру реті ережеге сәйкес кезек бойынша беріліп отыр. Дегенмен, әлеуметтік осал топтағы тұрғындарды, көпбалалы отбасыларды баспанамен қамтуға басымдық берілген. Тағы бір айтар қуанышты жаңалығымыз Кентау қаласының жаңа мөлтек ауданынан көпқабатты 10 үйдің құрылысы басталып, іргетасы қаланды. Демек, келер жылы тағы 600-ге жуық отбасы өз баспаналарына қол жеткізетін болады. Осының барлығы құрыш қолды құрылысшылардың еңбегі, халқымыздың ауызбіршілігі мен ынтымағы, Елбасының халыққа деген қамқорлығы»- деді облыс әкімі.

«Нұрлы жер» бағдарламасы аясында бой көтерген тұрғын үйлер заманауи үлгіде салынған. Ағымдағы жылдың соңына қарай тағы 2 көпқабатты тұрғын үй пайдалануға берілмек. Жалпы жыл соңына дейін Кентау қаласының 300-ге жуық отбасын баспанамен қамту жоспарланып отыр.

Түркістан облысы

Соңғы жаңалықтар

Балықшы

Өнер • Кеше

Ғалым ғибраты

Аймақтар • Кеше

Бюрократизм

Қоғам • Кеше

Бірінші байлық

Руханият • Кеше

Агробанк керек пе?

Экономика • Кеше

Ұқсас жаңалықтар