Шаруалар ауыл шаруашылығы жерлерін әртараптандыру мақсатында соңғы жылдары мақта егістігінің көлемін едәуір азайтуда. Яғни, ерте көктемгі қырыққабат, баклажан, балғар бұрышы секілді дақылдарды өсіруге бейімделуде. Бұл өз кезегінде сәуір айының ортасында алғашқы өнім алып, пайда табуға мүмкіндік береді. Сондай-ақ бір жерден екі рет өнім алуға өзіндік септігін тигізеді. Бүгінде 178 мыңнан астам халық тұратын ауданда мақта дақылынан бөлек, бақша, көкөніс, жеміс-жидек және ерте көктемгі дақылдар өсіріледі.
Қазірдің өзінде жетісайлық шаруалар 15 мың гектарға жуық егістік алқапқа ақ алтын дәнін сеуіп үлгерді. Сондай-ақ ауданда 13 мың 813 гектарға жуық егістік жерге бақша дақылдары егілді.
