Аймақтар • 16 Мамыр, 2019

Қарағандылық түлектер құрбы-құрдастарына үндеу жариялады

964 рет
көрсетілді
1 мин
оқу үшін

Кеншілер астанасындағы №23 орта мектептің түлектері мектеп бітіру кешін той-думанға айналдырудан бас тартқан алматылық құрдастарының челлендж бастамасын қолдап, бейне үндеу жариялады.

Қарағандылық түлектер құрбы-құрдастарына үндеу жариялады

Онда қарағандылық түлектер отшашу атып, лимузин жалдап, мейрамханада кеш ұйымдастырып, ақшаны құр бос шашқанша, ол қаржыны қайырымдылыққа жұмсағанның әлдеқайда абзал екенін айтты.

Жалпы, бұл акция ел астанасындағы №29 орта мектепте бастау алған болатын. Челленджді бірінші болып Алматы қаласындағы түлектер іліп әкеткен еді.

Қарағандылық түлектер басқа да құрбы-құрдастарын бұл игі бастамадан шет қалмауға шақырды. Ал өздері 12 маусым күні қазіргі уақытта құрметті демалыста жүрген мұғалімдердің үйлеріне барып, оларға алғыс айтуды жоспарлап отыр.

Қарағанды облысы