- 2 жастағы қыз бала біздің ауруханаға кеше, 15 мамыр күні сағат 12:30 «Жедел жәрдеммен» жеткізілді. Баланың жағдайы өте нашар болғандықтан бірден жансақтау бөліміне алынды. Бүлдіршіннің басына қатты зақым келген. Қазір дәрігердің бақылауымен арнайы тыныс алу аппаратында жатыр. Есін жиған жоқ, - деді сәбидің денсаулығы жайында хабар берген облыстық балалар ауруханасының бас дәрігері Марат Досқалиев.
Облыс полициясы оқиға бойынша тергеу жұмыстарын бастады. Алдын ала анықталғандай, бүлдіршіннің №19 мектеп-гимназиясы жанындағы шағын орталыққа келгеніне көп уақыт болмаған. Әрі баланың ата-анасы да осы білім беру мекемесінде ұстаздық етеді екен.
Алматы облысы
