Аймақтар • 20 Мамыр, 2019

Түркістан облысында қазақ күресінен халықаралық турнир өтті

790 реткөрсетілді

Түркістан облысы Ордабасы ауданы, Темірлан елді мекенінде Қажымұқан Мұңайтпасұлының 149 жылдығына орай қазақ күресінен дәстүрлі халықаралық турнир өтті.

Облыстық дене шынықтыру және спорт басқармасы мен Ордабасы ауданы әкімдігі ұйымдастырған жарысқа Ресей, Өзбекстан, Моңғолия елдерімен қатар еліміздің барлық облыстарынан 300-ге жуық балуан қатысты. Қажымұқан атындағы орталық стадионда өткен турнирде спортшылар екі күн бойы 8 салмақ дәрежесінде жеңімпаз атану үшін күш сынасты. Жоғары дайындықпен келген балуандар арасындағы әрбір жекпе-жек тартысты өтіп, жанкүйерлерді жалықтырмады. Сегіз салмақ дәрежесі бойынша мықтылар анықталған соң балуандар түйе палуанға тігілген жаңа «Нива» автокөлігін сарапқа салды.

Яғни абсалютті салмақта 32 балуан боз кілемде күш сынасты. Нәтижесінде екі қазақстандық және екі моңғолиялық жігіт барлық қарсыластарының жауырынын жерге тигізіп, жартылай финалға шықты. Тартысты өткен белдесулер нәтижесінде жүлделі үшінші орынды Моңғолия балуаны Дорж Анар иеленді. Ал, алыптардың айқасындағы ақтық сында алматылық Руслан Абдразақов пен моңғолиялық Серік Бердімұрат кездесті. Бабында екенін дәлелдеген тәжірибелі балуан Руслан Абдразақов қарсыласын айқын басымдықпен ұтып, халықаралық турнирдің жеңімпазы атанды. Жүлделі екінші орынды моңғолиялық Серік Бердімұрат иеленді. Сөйтіп, дәстүрлі халықаралық турнирдің бас жүлдесіне тігілген «Нива» автокөлігінің кілтін Руслан Абдразақовқа Ордабасы ауданының әкімі Қайрат Жолдыбайұлы мен облыстық дене шынықтыру жəне спорт басқармасының басшысы Полат Қырықбаев табыс етті. Барлық жеңімпаздар мен жүлдегерлер арнайы тағайындалған естелік сыйлықтармен марапатталды. 


Түркістан облысы

Баннер
Соңғы жаңалықтар

Көш басында - Канело

Спорт • Кеше

Ауылда да субұрқақ бар

Аймақтар • Кеше

Шыңға біткен шынардай Шыңғыс еді!..

Руханият • 14 Маусым, 2019

Мерейі тасыған отбасы

Руханият • 14 Маусым, 2019

Бірлесіп күресуге шақырды

Саясат • 14 Маусым, 2019

«Реал» 303 миллион еуро жұмсады

Футбол • 14 Маусым, 2019

Олимпиада жолдамасын иеленді

Спорт • 14 Маусым, 2019

Еуропа ойындары басталады

Спорт • 14 Маусым, 2019

Демалыс аймағы ашылды

Аймақтар • 14 Маусым, 2019

Мұражайлар фестивалі

Аймақтар • 14 Маусым, 2019

Мейіргер Шархат

Аймақтар • 14 Маусым, 2019

Робот арқылы операция жасайды

Аймақтар • 14 Маусым, 2019

Ұқсас жаңалықтар