Экономика • 21 Мамыр, 2019

АХҚО биржасына қызығушылар көп

683 реткөрсетілді

Екі күнге созылған Астана экономикалық форумы жа­қында мәреге жеткені белгілі. Ауқымды іс-шара 16 мамыр күні «Астана» халықаралық қаржы орта­лығының ұйымдастыруымен өткен таңғы бизнес астан бас­тау алған-ды. Аталған шараға қатысушылар бұл форум­ның еліміз үшін қаншалықты маңызды екенін атап өтті.

Бас қалада 12-ші рет өткен ауқымды форумға АХҚО өкілдері, Үкімет мү­шелері мен форум спи­керлері қатысты. Фо­румда сөз алған «Ас­тана» халықаралық қар­жы орта­лығының бас­қа­рушысы Қайрат Ке­лім­бетов өңірлік қар­­жы­лық хабтың артық­шылықтарын атап көр­сет­ті. Сондай-ақ ол қар­жы орталығының алдағы жоспарына тоқталды.

– АХҚО-ның басты ерек­шелігі, ағылшын құ­қығы не­гізінде жұмыс жа­сайды. Қазақстан Ор­талық Азияда жалпы ағылшын құқығы қолда­нысқа енген бірден-бір мемлекет. Тағы бір ма­ңыз­ды қадамдардың бірі – реттеуші органның дамуы болып отыр. Биыл біз «Қазақтелеком», «Air As­tana», «ҚазМұнайГаз» ком­паниялары IPO-ға қатысады деп жос­пар­лап отырмыз. АХҚО­ бир­жа­сына қызығу­шы­лық танытып отырған жеке­меншік компаниялар да жетерлік. Солардың алғашқыларының бірі – Ресейдің «Polymetal» ком­паниясы. Осыған де­йін­гі қадамдарды са­ра­лай келе, алдағы уа­қыт­та жекеменшік компа­ниялардың саны одан да арта түсетініне сенімдіміз. АХҚО Fintech, Green Finance және исламдық қар­жыландыру саласын дамыту ісін одан ары жалғастыратын болады, – деді Қ.Келімбетов.

Алқалы жиында сон­дай-ақ АХҚО биржасы Бас­қарушысы Тимоти Беннет сөз алды.

– Біз қарқынды дамып келе жатқан жаһандық биржа құра білдік. «Қаз­атомөнеркәсіптің» құнды қағаздарының өтімділігі біз жоспарлағаннан 3-4­ есеге артық болып шық­­ты. Осыған дейін біз­ Қазақстанда капитал­ нарығын дамытудың бо­ла­шағы зор екенін көр­сете білдік. АХҚО бир­жа­сы инвесторлар базасын кеңейту ісін одан ары дамытатын бо­ла­ды. Себебі нарық капи­талының жүрегі – инвес­торлар екені баршаға аян. AIX инновациялар­ мен халықаралық ынты­мақ­тастықты дамытуға баса мән беріп отыр. Бұған дәлел, AIX осыдан бір ай бұрын Құнды қағаздар және нарық жөніндегі еуропалық басқармамен (ESMA) серіктес атанды. Бұл өз кезегінде, қаржы нары­ғының тұрақты жұмысын қамтамасыз ететін болады, – деді Ти­моти Беннет.

Еске салар жайт, Ас­тана экономикалық форумы биыл «Шабыт­тан­­дырушы өсім: адамдар, қалалар, экономи­ка» та­қы­рыбында өтті. Фо­рум­да әлемнің түк­пір-түк­­пірінен келген бел­ді сарапшылар мен жа­һан­­­дық көшбасшылар, биз­­нес-қауымдастық өкіл­­­­дері адамзаттың да­муы­­на қажет маңызды мәселелерге қатысты ой­­­­­ларын ортаға салды.­ Ше­телдік меймандар­ кең көлемді шарада тұ­рақ­ты өсудің жаңа жолдары, адами капиталды­ да­мы­ту, қалалар әлеуе­тін­­ кеңейту сынды­ түр­­­лі тақырыптарды тал­қылады.

Бұл ретте «Астана» халықаралық қаржы орта­лы­ғы­­ның елорданың эко­номикалық және қар­жылық ин­фра­құ­ры­лы­мының дамуына қос­қан үлесін атап өткен жөн. Қа­зірдің өзінде АХҚО-да Қазақстан, АҚШ, БАӘ, Син­гапур, Қытай, Ұлы­британия, Германия және Франция ел­дерінен жүзден астам компания­ тіркеліп үлгерді. Тек бір жыл­дың ішінде өңір­лік қаржылық хаб Сбер­банк, Master Card, Visa, Euroclear, ERG, SAP, «Даму» қоры сынды ірі ком­паниялармен ынты­мақ­­тастық жөніндегі ме­морандумға қол жет­кізді. АХҚО 2020 жылы тіркелетін компаниялар санын 500-ге дейін жет­кізуді мақсат етіп отыр.

Күні кеше ғана АХҚО басқарушысы Қайрат Келім­­бетовті қабылдаған Елбасы Нұрсұлтан На­зар­­баев қаржы­лық хаб­қа зор сенім артып отыр­ғанын мәлімдеген болатын. Осы орайда, АХҚО алдағы уақытта жаңа жұмыс орындарын ашу, қаржылық және құқықтық қызмет көр­сету сапасын арттыру, Қазақстанның ғана емес, жал­пы осы өңірдің әлеу­меттік-экономикалық жағ­­дайын жақсартуға мол үлес қосады деп кү­тіліп отыр.

Баннер
Соңғы жаңалықтар

Көш басында - Канело

Спорт • Кеше

Ауылда да субұрқақ бар

Аймақтар • Кеше

Шыңға біткен шынардай Шыңғыс еді!..

Руханият • 14 Маусым, 2019

Мерейі тасыған отбасы

Руханият • 14 Маусым, 2019

Бірлесіп күресуге шақырды

Саясат • 14 Маусым, 2019

«Реал» 303 миллион еуро жұмсады

Футбол • 14 Маусым, 2019

Олимпиада жолдамасын иеленді

Спорт • 14 Маусым, 2019

Еуропа ойындары басталады

Спорт • 14 Маусым, 2019

Демалыс аймағы ашылды

Аймақтар • 14 Маусым, 2019

Мұражайлар фестивалі

Аймақтар • 14 Маусым, 2019

Мейіргер Шархат

Аймақтар • 14 Маусым, 2019

Робот арқылы операция жасайды

Аймақтар • 14 Маусым, 2019

Ұқсас жаңалықтар