Сайлау • 21 Мамыр, 2019

ТМД Байқаушылар миссиясы келді

776 реткөрсетілді

2019 жылғы 9 маусымға тағайындалған Қазақстан Республикасы Президентінің кезектен тыс сайлауын заңдылыққа сай өтетіндігін байқау үшін елімізге ТМД-дан байқаушылар тобы, шет мемлекеттер мен халықаралық ұйымдардың байқаушылары келіп жатыр.

Соған сәйкес кеше ТМД Атқару комитеті төрағасының бірінші орынбасары В.А.Гуминский, Атқару комитеті бөлімінің бастығы Е.А.Слобода, ТМД Атқару комитетінің кеңесшісі О.В.Кулеба, Е.В.Козяк және ТМД Ат­қару ко­ми­тетінің консультанты И.И.Под­луц­кая Орталық сайлау комиссиясына келді.

Аталған байқаушылармен ОСК төрағасы Берік Имашев кездесті. Сондай-ақ кездесуге ОСК төрағасының орынбасары К. Петров пен оның мүшесі З. Баймолдина да қатысты. Б.Имашев кездесу шеңберінде В.Гуминскийге электораттық науқанның барлық кезең­дері кезіндегі атқарылған істер тура­лы, яғни ұсыну, тіркеу, сайлауалды үгіт және дауыс беру күні жүргі­зіле­тін шара­лар мен «Сайлау туралы» Консти­ту­ция­лық заңға 2017-2018 жылдары ен­гізіл­ген өзгерістер туралы айтып берді.

Жалпы ТМД-ның Байқаушылар мис­сиясы Қазақстандағы сайлауды, оның ішінде Қазақстан Республикасы Пре­зи­дентінің сайлауын байқауда үлкен жұ­мыс тәжірибесіне ие екендігін атап өт­кен жөн. ТМД-дан 700-ден астам Бай­қау­шылар миссиясы Қазақстанда 2015-2016 жылдары өткен екі сайлау нау­қанын байқауға қатысқан болатын. Ал «Сайлау туралы» Конституциялық заң қадағалаудың тиісті тәртібін көздейді.

ТМД Атқару комитеті төрағасының бірінші орынбасары В.Гуминский өз кезегінде Б.Имашевқа кездесуді ұйым­дастырғаны үшін алғысын білдірді және ТМД Атқару комитеті ҚР ОСК-ның сайлауды өткізуге байланысты барлық іс-шараларын мұқият бақылағаны туралы хабарлады. В. Гуминский:

«Біздің кездесуімізден кейін, яғни бүгінгі күннен бастап ТМД Байқау­шылар миссиясы осында жұмысын жал­ғас­тырып, Қазақстан Президентінің кезек­тен тыс сайлауын толық көлемде бай­қауға кіріседі. Жалпы, нақтырақ ай­тар болсам, ТМД мемлекеттері тарапы­нан Қазақстандағы кезектен тыс прези­дент­тік сайлауды байқау миссия­сы бүгін­нен басталып отыр. Осыған орай мис­сия штабы құрылып, оны даяр­лау, қыз­меттік міндеттемелерін орын­дау жұмыстарына кірістік. Миссия Қазақстан Сыртқы істер министр­лігінен шақырту алды. Ал ТМД Атқару комитеті Ук­раинадан басқа Достастыққа мүше ел­дер­дің бәріне Парламентаралық Ассам­блея­ға тиісті ұсыныс жолдады. ТМД-ның миссия құрамында 300-ге тарта бай­қаушы болады деп күтіліп отыр», – деді.

Өткен жылы «Сайлау туралы» Конституциялық заңға шет мемлекеттер мен халықаралық ұйымдардың байқаушыларына аудармашы ілесіп жүруге құқылы екені туралы жаңа норма да енгізілді. Осыған байланысты Конституциялық заңның 20-2-бабының 2 және 4-тармақтарына сәйкес шет мемлекеттер мен халықаралық ұйымдардың байқаушылары Қазақстан Сыртқы істер министрлігінің ұсынуы бойынша Орталық сайлау комиссиясының жанында аккредиттеліп, оларға ОСК белгілеген үлгідегі куәлік беріледі. Ал аккредиттеу  дауыс беруге бес күн қалғанда, яғни 2019 жылғы 3 маусымда жергілікті уақыт бойынша 18.00-де аяқталады деп белгіленгені мәлім.


Баннер
Соңғы жаңалықтар

Оңды қыз Ольга

Аймақтар • Кеше

Ақшағылдың Ерболы

Аймақтар • Кеше

Қолбасшы

Саясат • Кеше

Сабақтастықтың жүз күні

Президент • Кеше

Ұқсас жаңалықтар