Аймақтар • 21 Мамыр, 2019

Қарағандыда халықаралық музей күні аталып өтті

747 рет көрсетілді

Кеншілер астанасында Халықаралық мұражайлар күні мерекесі мазмұнды түрде аталып өтті. Әсіресе, Қарағанды облыстық тарихи-өлкетану мұражайында ұйымдастырылған тақырыптық шеберлік сыныптары мен квест-ойындар келушілердің көңілінен шықты.

Мұрaжай аумағында жеке тақырыптар бойынша бірнеше алаң құрылды. Олардың ішіндегі «Ұлы даланың жеті қыры» атты атқа міну мәдениетіне арналған алаңның жұртшылық назарын ерекше аударғанын айта кеткен жөн. Бұл жерде «Карат» ат зауытынан екі ат әкелініп, балаларға атқа отыру, ат үстінде өзіңді қалай ұстау керектігі туралы дәріс берілді. 

«Қымыз-пати» алаңында ұлттық сусынды дұрыс пісу бойынша өткен шеберлік сыныбы да келушілерді бей-жай қалдырмады. Қонақтар кәдімгі күбіде қымыз пісіп, дәстүрлі сусынның қалай дайындалатынымен тікелей таныс болды.

Сондай-ақ, мұражай қонақтары түркі жазуы бойынша шеберлік сыныптарында өз есімдерін түркі тілінде жазып, сөз құрастыру ережелері бойынша дәрістер алды. Шара соңында қатысушыларға «Түркі» деген жазуы бар білезіктер мен әліпби бар парақшалар естелік сыйлық ретінде табыс етілді. 

Мереке күні мұражай қоры ауған соғысына қатысты жаңа жәдігерлермен толықты. Қала тұрғындары сыйға тартқан экспонаттар қатарында фотоматериалдар, жеке құжаттар, интернационалист-жауынгерлердің  ордендері мен медальдары, әскери киімдері және басқа да қызығушылық тудырар жәдігерлер бар.


Қарағанды облысы

Соңғы жаңалықтар

Семей қаласының гербі бекітілді

Аймақтар • Бүгін, 07:47

Бас жүлде бұйырмады

Спорт • Бүгін, 07:42

Жоспарын жария етті

Спорт • Бүгін, 07:40

Цифрландыру – өзекті мәселе

Үкімет • Бүгін, 00:49

БҰҰ-ның Жаһандық шартына қосылды

Экономика • Бүгін, 00:34

Жеті түрлі сөз

Әдебиет • Кеше

Антына адал азамат

Қазақстан • Кеше

Елорда күніне тарту

Театр • Кеше

Ұқсас жаңалықтар