Аймақтар • 22 Мамыр, 2019

Маңғыстау халықаралық құқық қағидаттарына қауқарлы

812 реткөрсетілді

Геоэкономикалық тұрғыда қолайлы мекен болып табылатын Маңғыстау өңірі енді инвесторлармен халықаралық құқық қағидаттары бойынша жұмыс істейтін болады. «Астана халықаралық қаржы орталығы» қаты­су­­­­шыларын Маңғыстау облысының экономикасына инвестиция құю­ға шақыру арқылы аймақтың экономикалық әлеуетін арттыру мақса­тындағы келісімдер өңір басшылығы мен аталған қаржы орталығы арасында жасалды.

 «Астана экономикалық форумы» аясында мұнайлы өңір мен қаржы орта­лығы бірлесіп «Global Silk Road Mangystau invest-2019» халықаралық фо­румын өткізді. Нәтижесінде Маң­ғыстау облысы алғаш болып «Астана халық­аралық қаржы орта­лығымен» меморандумға қол қойды. Осы­лай­ша, облыс әкімі Ералы Тоғ­жанов пен АХҚО бас­қарушысы Қай­рат Келімбетов жаңа меморандум ая­сында жан-жақты келі­сімге келді. Форум барысында кәсіп­керлермен құны 230 млн АҚШ долларын құрайтын екі ин­вес­­­тициялық жобаны іске асыру жөнінде уағдаластық жасалды. 

Өңірлерге инвестиция тартудың жаңа моделі ретінде биыл «Астана экономикалық форумының» аясында «өңір қонақ» жаңа жүйесі енгізіліп, оған алғаш болып Маңғыстау облысы таңдалды. Бұл жүйенің басты мақсаты – өңірге әлемдік деңгейдегі жаңа инвесторлар мен қаржы ұйымдарын жұмылдыру. 

«Астана» Халықаралық қаржы ор­талығында өткен форумда Маңғыс­тау облысының әкімі Е.Тоғжанов ай­мақ­тың инвес­тициялық әлеуетімен таныстырды. Оның ай­туынша, аймаққа Түркия, Ресей, Қытай, Италия, АҚШ, Германия және басқа елдерден­ ірі шетелдік ин­весторлар келіп, «Forbes Global 2000» тізімінде тұр­ған «CNPC», «Shlumberger», «Halliburton», «OMV Petrom», «Total», «Saipem», «Tenaris», «Arcelor Mittal», «Heidelberg Cement» се­­кіл­ді компаниялардың қатысуымен түр­лі салаларда бірнеше жобалар іске асы­рылған.

Қазіргі таңда Маңғыстау облысында 2019-2025 жылдарға бағытталған, 2,4 трлн теңгені құрайтын 44 инвести­ция­лық жоба қарастырылуда.

Оның ішінде, шет мемлекеттердің қатысуымен 2,2 триллион теңгені құ­райтын 18 жобаны іске асыру жос­пар­ланған. Сондай-ақ 2019 жылы об­лыста 66,7 млрд теңгені құрайтын 22 жобаны, оның ішінде, құны 38,4 млрд теңгені құрайтын 4 жобаны шетел­діктердің қатысумен іске қосу жос­парланып отыр.

Тұңғыш Президенттің тапсырмасына сәйкес, Маңғыстау облысының әкімдігі «ЦОП«Мангистау» ЖШС базасында инвесторларға бір тере­зе қағидаты бойынша қызмет көрсетуге ар­нал­ған «Фронт офис» ашты.

«Фронт офистің» басты мақсаты – инвесторлардың барлық үкіметтік және басқа ұйымдарға қатысты жұ­мыстарын арттыру. Мұнда әлеуетті ин­вестор Маңғыстау облысындағы инвестициялық қызметті мемлекеттік қол­даудың ықтимал нысандары ту­ра­лы және өздеріне қажетті бар­лық ақпаратты алады. Бүгінде облыс әкім­­дігі инвестициялық саясат­ты жү­зеге асыру мақсатында, мемлекет­тік органдар мен басқа да ұйымдар арасын­дағы өзара әрекеттесу ереже­лерін дайындап берді. Ережеде «фронт­­­­­ офистің» бүкіл жұмысы қарас­тырылған, деді Е.Тоғжанов.

Сонымен қатар алдағы 5 жыл­да облысты дамытудың ба­сым­ ба­ғыт­тары – туризм, ауыл шаруа­шы­лы­ғы, өнеркәсіп, энергетика,­ кө­лік және логистика салаларында­ 6 ин­вес­­тициялық құрылым бар. Әр сала­ның инвестициялық тартымды­лығы орыс, ағылшын, түрік, парсы,­ қытай тіл­деріне аударылып, жаз­ба түрде ұсы­нылады. Шетелдік инвес­тор­лар­дың қатысуымен көп функцио­нал­ды логистикалық орталықтың, тұз­сыз­дандыру зауытының, каусти­калық сода мен тұз қышқылын шы­ға­­ра­тын зауыт­тың, су тұшыту қон­дырғысының құры­лысы сияқты перс­пек­тивалық жобалар жүзе­ге асырылуда.

Ыңғайлы географиялық орналасуы, бай тарихи мұралары, теңізге шығудың қолжетімділігі, сондай-ақ негізгі туристік ағындарды тудыратын елдерге жақын болу туризмді да­мытуға мүмкіндік береді.

Маңғыстауда туризмді дамыту үшін, 63 шақырымға созылған те­ңіз жағалауында инженерлік инфра­құрылым жұмыстары басталып кетті.

– Өңірдің климаттық жағдайы ай­маққа электр қуатының қосымша көзі үшін, күн және жел электр стансаларын салуға мүмкіндік береді. Ай­мақтың шуақты күндерінің ұзақ­­­­тығы жылына – 300 күн. Бұл ел­дегі ең жақсы көрсеткіш, желдің жыл­дамдығы – 8,43 метр секунд. Сон­дықтан маңызды сектордың бірі – баламалы энергия көз­дерін дамыту. Бұл келешекте электр энергиясын өндірудің барлық дәст­үрлі әдістерін тоқтата алатын ең перс­пективалы ресурстардың бірі. Бүгінгі таңда аймақта қуаты 90 МВт жел электр стансасы салынып жатыр, деді өңір басшысы. 

Мүмкіндігі жоғары бағыттарды айту арқылы инвесторларға Маң­ғыс­тау облысының бизнесті қолдай­тындығы және «ашық есіктер» қағида­сымен жұмыс істейтіндігі, сондай-ақ жергілікті атқарушы органдар өзара тиімді ынтымақтастыққа дайын екен­дігі айтылды. 

Маңғыстау облысы
Баннер
Соңғы жаңалықтар

Оралда Digital In West форумы өтті

Аймақтар • Бүгін, 12:09

Ерікті болу - ерлік

Қазақстан • 13 Қыркүйек, 2019

Ұқсас жаңалықтар