Аймақтар • 27 Мамыр, 2019

Қарағанды облысы әкімінің орынбасары жараланып қалды

973 реткөрсетілді

Қарағанды облысы әкімінің орынбасары Алмас Айдаровтың жараланып қалғаны жөніндегі ақпарат Қарағанды қалалық полиция бөліміне 26 мамыр күні сағат 05.30-да түскен.

Жоғары лауазымды қызметкер берген түсініктемеге сай, ол торт кесіп жатқанда қолы тайып кетіп, кеудесінің сол жақ тұсын пышақпен жарақаттап алған екен. Тәртіп сақшыларының айтуынша, облыс әкімінің орынбасары ешкімге кінә артпаған, қандай да бір арыз-шағым жазудан бас тартқан.

Аталған оқиға туралы А.Айдаровтың өзі фейсбук желісіндегі парақшасында мынадай жазба қалдырды:

«Достар, менің денсаулығым туралы ақпаратқа байланысты көптеген қоңырау түсіп жатыр. Уайымдағандарыңызға рахмет! Менде бәрі жақсы – кәдімгі үйдегі жарақат. Кешке қарай байқамай кесіп алдым, түнде қанай берген соң, таң атқанын күтпестен жедел жәрдем шақыруға тура келді».

Облыс әкімінің баспасөз қызметі де Айдаровтың жағдайына алаңдауға ешқандай негіз жоқ екенін хабарлады.

«Әкімнің орынбасары өзін жақсы сезінеді. Толықтай сау. Ертең барлық қазақстандықтар сияқты күнделікті режімде жұмысқа шығады» деп атап өтті әкімдіктегілер.

35 жастағы Алмас Айдаров 2017 жылдың  28 маусымынан бастап Қарағанды облысы әкімінің өнеркәсіп, шағын және орта бизнесті дамыту, индустрияландыру және инвестиция жөніндегі орынбасары қызметін атқарып келеді.


Қарағанды облысы


Баннер
Соңғы жаңалықтар

Норвегия турында топ жарды

Спорт • Бүгін, 09:02

Кеуректің ащы дәмі

Қазақстан • Бүгін, 08:57

Ұлы дала өрнектері

Аймақтар • Бүгін, 08:38

Өгіз аяң өндімейді

Аймақтар • Бүгін, 08:30

Ғарыш пен жарыс

Қоғам • Бүгін, 08:25

Ісмерлік ізденістері

Қоғам • Бүгін, 08:20

Бал арасы – табыс көзі

Аймақтар • Бүгін, 08:15

Курстардың үйретері көп

Аймақтар • Бүгін, 08:10

Әкеден дарыған ата кәсіп

Аймақтар • Кеше

Ұқсас жаңалықтар