«Осы туындыны көрерменге ана тілімізде жеткізуге атсалысқан шығармашылық топқа, ондағы әрбір жанға алғыс білдіремін. Кинофильмдердің қазақ тілінде шығуы маңызды. Сондықтан бұл туынды көпшілікке ұнайды деп ойлаймын», деді қала әкімі.
Үшінші мегаполистегі көрсетілімде Аладдинді дауыстаған Астана жастар театрының әртісі Айсұлтан Жалиев те болды. Оның айтуынша көркем фильм «Aray Media Group» студиясында дыбысталған.
Ал Дубляж «Болашақ» корпоративтік қоры және «Меломан» компаниясының бастамасы бойынша «Aray Media Group» студиясымен бірге «Өзіңнен баста» жобасы аясында жүзеге асырылды. Дубляж демеушісі - BI Group компаниясы. Ал көрсетілімді ұйымдастырушы - «Jas Otan» жастар қанаты. Айта кетерлігі, «Аладдин» – қазақ тіліне кәсіби түрде дубляждалған 29-фильм.
