Сайлау комиссиялары үшін семинарлар өткізілді

Семинарға аумақтық сайлау комиссиясының мүше­лері, 260 учаскелік сайлау комис­сияларының төр­ағалары, орын­­басарлары және хат­шы­лары, электораттық оқы­тудың серт­ифи­катталған жат­тықты­ру­шысы, Президент жа­нын­дағы Мемлекеттік басқару ака­демия­сы филиалының директоры, Шымкент қаласы әкімі аппаратының басшысы, аудан әкімдері мен аппарат басшылары, жергілікті атқарушы органдардың басшылары және бұқаралық ақпарат құралдарының өкілдері, барлығы 827 адам қатысты.

Семинар барысында Л.Сүлей­мен қатысушыларды сайлау заңнамасындағы өзгерістермен, сайлау науқанының негізгі кезеңдерімен, кандидаттардың сайлау алдындағы үгітті жүзеге асыру шарттарымен, сайлау комиссияларының сайлауды әзірлеу мен өткізу жөніндегі өкілеттіктерімен, аумақтық сай­лау комиссияларының және же­р­гілікті атқарушы орган­дар­дың мүмкіндіктері шек­теулі аза­мат­тардың құқықтарын қам­­­­тамасыз ету жөніндегі мін­дет­терімен та­ныстырды. Оған қоса сайлау жү­йесін ұйым­­дастыру бөлімінің бас сарапшысы И.Беркімбай сайлау ко­миссияларының дайын­дық кезеңіндегі, сондай-ақ ті­ке­лей дауыс беру күнгі қыз­мет мәселелеріне нақты тоқ­та­лып, әсіресе 2019 жылғы 9 мау­­сымдағы президенттік сай­лау­дағы учаскелік сайлау комис­сияларының қорытынды хаттаманы дұрыс толтыру мәсе­лесін пысықтады.

Сол сияқты Орталық сайлау комиссиясының мүшесі Б.Мел­дешов Қызылорда облысына жұмыс сапарының аясында Қызылорда қаласы мен Сырдария ауданының 19 сайлау учаскесінде болып, сайлау­ды ұйымдастырушылар үшін оқыту семинарын өткізді және олардың сайлауға әзірлігімен танысты. Семинар барысында Б.Мел­­дешов сайлау науқа­ны­­ның әрбір кезеңімен, сайлау заңнамасына сәйкес сайлау­ды ұйымдастырушылардың негізгі өкілеттіктерімен және міндеттерімен таныстырды.

Ал Солтүстік Қазақстан облысына барған Орталық сайлау комиссиясының хатшысы С.Мұстафина да «2019 жылғы 9 маусымға тағайындалған Қазақ­стан Республикасы Прези­дентінің кезектен тыс сайлауын әзірлеу мен өткізу кезеңіндегі сайлау комиссияларының жұмы­сы туралы» сайлауды ұйым­дас­тырушылар үшін оқыту семинарын өткізді.

Бұған қоса Орталық сайлау комиссиясы Жастар жылы іс-шаралары аясында еліміздің жоғары оқу орындарының сту­денттері арасында Сайлау құ­қығы мен сайлау процесі мәсе­лелері бойынша ұлттық вик­торина ұйым­дастырған бола­тын. Соның бірінші кезеңі басталды. Аталған ұлттық викторина Тәуелсіз Мем­­лекеттер Достастығына қа­­ты­сушы елдердің жоғары оқу орындары студент жас­та­ры­­ның электоратты-құқық­тық сауаттылығын артты­руға бағытталған және Халық­ара­лық демократия күніне (2007 жылғы 15 қыркүйекте БҰҰ Бас Ассамблеясы бекіт­кен) орай­ластырылған мемлекет­ара­лық жобаның бір бағыты болып табылады. Ал ұлттық викто­ринаның жеңімпазы 2019 жылғы қыркүйекте ТМД Парламент­аралық Ассам­блея­сы Кеңесі ұйым­дас­тыратын Санкт-Петер­бург қаласындағы ғылыми сту­дент­тік пікірталасқа ТМД елдері құ­ра­масы құрамында қатысады.

Бұл викторинаны өткі­зудегі ОСК-нің негізгі серік­тес­тері – Демократияны, парла­мен­таризмді дамыту және ТМД ПАА-ға қатысушы мемлекеттер азаматтарының сайлау құқықтарын сақтау монито­рингінің халықаралық институты, құрамына 80-нен астам ұлт­тық және өңірлік жоғары оқу орындары кіретін «Қазақстан Рес­публикасы жоғары оқу орын­дарының қауымдастығы» заңды тұлғалар бірлестігі жә­не Ұлттық викторинаның бі­рін­ші кезеңін жүзеге асыру үшін инфокоммуникациялық тұ­ғыр­­нама ұсынған әл-Фараби атындағы Қазақ ұлттық универ­ситеті.