Аймақтар • 30 Мамыр, 2019

Қарқаралыда Құнанбай қажы мен бала Абайға ескерткіш қойылды

1935 рет көрсетілді

Қарағанды облысындағы Қарқаралы қаласында «Рухани жаңғыру» мемлекеттік бағдарламасы аясында Құнанбай қажы мен бала Абайға еңселі ескерткіш қойылды.


Тас тұғырдағы тарихи тұлғалар қаладағы Құнанбай қажы салдырған мешіттің алдына орын тепті. Баласының иығына қолын салып келе жатқан Құнанбай Өскенбайұлы мүсінінің биіктігі 4,15 метр болса, қолтығына кітабын қысқан Абай  бейнесінің бойы 2 метр 70 сантиметрге жетеді. Ескерткіш сары мыстан құйылған.

Қазақтың қадірлілеріне ескерткіш қою идеясына аудан әкімі Халел Мақсұтов мұрындық болған екен. Мүсіннің эскизі жергілікті суретші Сәкен Дәулетбаевтың қиялынан туыпты. Ал ескерткіштің өзін Ленинградтың (Санкт-Петербург) И.Репин атындағы кескіндеме, мүсін және сәулет  институтының түлегі, есімі мәшһүр мүсінші Талғат Байоразов көмекшілерімен бірге жасап шығарған.

Ескерткіштің ашылу рәсімінде аудан әкімі Халел Мақсұтов жиылған қауымды айтулы оқиғамен құттықтап, ескерткішті орнатуға қатысы бар азаматтардың барлығына алғыс айтты. Салтанатты шараға Абайдың ұлы бабасы Ырғызбайдың тікелей ұрпағы Қосман Ғимранұлы арнайы келіп қатысты.

Қарадан хан шыққан Құнанбайдың да, хәкім Абайдың да өміртарихы Қарқаралының қасиетті топырағымен тығыз байланысты. Ұлы ақынның әкесі қазақтың өткеніне қанық осы қалада мешіт салдырса, Абайдың өзінің де нағашы Һәм қайын жұрты Қарқаралы жеріне талай мәрте ат шалдырғаны тарихтан белгілі. Қазіргі таңда қаладағы Құнанбай қажы салдырған ағаш мешіт пен Абай тоқтаған үй тарихи ескерткіш ретінде мемлекеттің қорғауына алынған.


Қарағанды облысы


Соңғы жаңалықтар

Уақытпен бірге түлеген

Әдебиет • Бүгін, 08:33

Баладан қашқан безбүйрек

Қоғам • Бүгін, 08:31

Студенттер ара бағып жүр

Білім • Бүгін, 08:28

Маса мазаны ала бастады

Аймақтар • Бүгін, 08:27

Қалыпты ұйқы – қуат көзі

Қоғам • Бүгін, 08:26

Берешек – 24,3 млрд теңге

Экономика • Бүгін, 08:24

Үздіктер анықталды

Қоғам • Бүгін, 08:21

Жұртшылыққа қарай жаңа қадам

Аймақтар • Бүгін, 08:19

Алға ұмтылған Ақмола

Аймақтар • Бүгін, 08:17

Ашық қоғамның айқын көрінісі

Қазақстан • Бүгін, 08:15

Семей қаласының гербі бекітілді

Аймақтар • Бүгін, 07:47

Бас жүлде бұйырмады

Спорт • Бүгін, 07:42

Жоспарын жария етті

Спорт • Бүгін, 07:40

Цифрландыру – өзекті мәселе

Үкімет • Бүгін, 00:49

БҰҰ-ның Жаһандық шартына қосылды

Экономика • Бүгін, 00:34

Жеті түрлі сөз

Әдебиет • Кеше

Ұқсас жаңалықтар