Сайлауға әзірлік барысы қорытындыланды

Учаскелік сайлау комиссияла­рының мүшелерін оқыту ОСК да­йындаған «Қазақстан Респуб­ликасы Президентінің сайлауын әзірлеу кезіндегі сайлау про­цесінің құқықтық негіздері мен сайлау комиссияларының жұмысын ұйымдастыру» атты оқу бағдарламасы және оқу-әдістемелік кешені бойынша жү­зеге асырылды. Электораттық оқыту алты бағыт бойынша, яғни Президент жанындағы Мемле­кеттік басқару академиясының өңірлік филиалдары базасында сайлау комиссияларының мүшелерін оқыту, жергілікті жер­лерде төмен тұрған сайлау комиссияларының мүшелерін каскадтық әдіспен оқыту, қашық­тықтан оқыту мен тестілеу, ОСК мүшелері мен аппарат қы­зметкерлері өңірлерде өткізген көшпелі оқыту семинарлары, оған қоса бейнеконференцбайланыс арқылы өңірлермен ұйымдастырылған семинарлар және сайлау процесінің басқа да қатысу­шы­ларына арналған оқыту іс-шаралары арқылы өткізілді. Сөй­тіп республика бойынша сайлау комиссияларының мүшелері мен сайлау процесінің басқа да қатысушыларын электораттық оқыту 118 112 адамды қамты­ды. Бұған қоса, отырыста бейнекон­фе­­ренция арқылы Ақтөбе, Жам­был облыстарының және Ал­маты қаласы аумақтық сайлау комиссияларының басшылары өңірлерде оқытуды ұйымдастыру мен өткізу тәжірибелерімен бө­лісті.

Ал «2019 жылғы 9 маусымға тағайындалған Қазақстан Рес­пуб­ликасы Президентінің кезектен тыс сайлауында жекелеген сайлау учаскелерінде дауыс берудің өзге кестесін айқындау туралы» мәселеде бейнеконференция арқылы аумақтық сайлау комиссиялары кейбір сайлау учаскелерінде дауыс беру уақытын таңғы сағат 6.00-ден бас­тап белгілеу туралы заңнамаға сәйкес қабылданған шешімдер туралы баяндады. Мәселен, әскери бөлiмдерде, демалыс үй­лерiнде, санаторийлерде, тұ­рақты емдеу-профилактикалық меке­мелерде, тергеу изолятор­лары мен уақытша ұстау изоляторларында құрылған сайлау учаскелерінде егер тiзiмге енгiзiлген сайлаушылардың бәрi дауыс берсе, учаскелiк сайлау комис­сиясы дауыс берудi кез кел­ген уақытта аяқталды деп жариялай алады.

Одан әрі Зәуреш Хамитқызы «2019 жылғы 9 маусымға та­ғайындалған Қазақстан Респуб­ли­касы президентінің кезектен тыс сайлауына халықаралық ұйымдар мен шет мемлекеттердің байқаушыларын аккредиттеу туралы» айта келіп, бүгінде Сыртқы істер министрлігінен бірқатар миссиялардың байқаушыларын аккредиттеуге ұсыныстар түске­нін де атап өтті. Мәселен, 23 жә­не 30 мамырда Сыртқы істер ми­нистрлігінен түскен ұсы­ныс­тарда 323 байқаушы – Тә­уелсіз Мемлекеттер Дос­тас­­тығы Байқаушылар миссия­сы­ның құрамынан, 15 бай­қаушы – Тәуелсіз Мемле­кет­тер Достастығына қатысу­шы мем­лекеттердің Парламен­та­ралық Ассамблеясынан, 263 бай­қаушы – Еуропадағы қауіпсіздік және ынтымақтастық ұйымының Демократиялық институттар мен адам құқық­тары бюросы миссия­сы құра­мынан, 18 байқаушы – Ұжым­дық қауіпсіздік туралы шарт ұйымының Парламенттік Ассам­блеясынан, 9 байқаушы – Түр­кі тілдес мемлекеттер ынты­мақ­­тас­тығы кеңесінен және 1 бай­қаушы Шанхай ынтымақ­тас­тық ұйымы байқаушылар мис­сиясының құрамынан болған.

Сонымен қатар 31 шет мем­лекеттен 91 байқаушы ұсыны­лып отыр, олардың қатарында Үндістан, Индонезия, Қыр­ғыз­­­стан, Румыния, Тәжікстан, Тү­рікменстан және Өзбекс­тан­­­­ның орталық сайлау орган­да­рының өкілдері бар, деді З.Бай­молдина. Осылайша б­үгінде аккредиттеу­ге бар­­лығы 720 байқаушы ен­гізіл­ген. Шет мемлекеттер мен ха­­­лықаралық ұйымдардың бай­қау­шыларын аккредиттеуді Ортсайлауком 2019 жылғы 3 мау­сым күнгі сағат 18.00-ге дейін жүзеге асы­рады. Жалпы ха­лық­аралық ұйымдар мен шет мемлекеттерден тіркелген байқаушылар саны 31 мамырға 967 адамды құраған көрінеді. Аталған отырысқа саяси партия­лар мен ЕҚЫҰ/ДИАҚБ және ТМД миссияларының өкілдері қаты­сып отырды.