Бірлескен шара нәтижесіз емес. ҚР ҰҚК ШҚ Жағалау күзеті басқармасы басшысының орынбасары Т.Төребаевтың айтуынша, шара барысында Қазақстанда 117 адам шекара бұзғаны үшін ұсталса, 163 125 метр ау, 76 195 ілмекті қорап, әртүрлі браконьерлік құрал-жабдықтар тәркіленген және 60-қа жуық қайық түрлері мен өзге де құралдар табылған. Сонымен қатар, қаскөйлер қолдарынан құтқарылған 1000-ға тарта бекіре тұқымдас балық теңізге жіберілген. Екі айда атқарылған шаралардың нәтижесінде кінәлілерге 2 347 650 млн теңге айыппұл салынған.
Делегацияны Ресейдің ФҚҚ шекаралық басқармасының басшысы, генерал-лейтенант А.Буеров және басқарма басшысының орынбасары, контр-адмирал В.Игнатенко бастап келді.
Өз кезегінде қазақстандық шекарашылар «Сарбаз» шекара кемесімен Әзербайжанға, жаз айларында Дағыстан республикасының Махачкала қаласына барып, қаскөйлерді ауыздықтауға атсалыспақ.
