Жылыжай голландық технологиямен жұмыс істейтін болады. Ал, мамандарды Ресейде арнайы ақысыз түрде оқыту жоспарлануда. Мұнда өндірілетін қызанақ пен қиярды ТМД мен Еуропа елдеріне экспорттау көзделіп отыр. Кешенге инфрақұрылым жүйесін тарту мәселесін нақтылау үшін облыс әкімі Өмірзақ Шөкеевпен кездескен «Эко-культура» компаниясының директоры Александр Рудаков жылыжай іске қосылса, жаңадан 10 мың жұмыс орны ашылатынын мәлім етті. «Құрылыс жұмыстары кезең-кезеңімен жүргізіледі. Кешен заманауи технологиямен жұмыс істейтін болады. Біз «ҚазақИнвест» компаниясымен осы ауқымды жобаны жүзеге асыруға қатысқанымызға өте қуаныштымыз», – деді А.Рудаков.
Өз кезегінде облыс әкімі Ө.Шөкеев жобаға инфрақұрылым тарту мәселесі алдағы уақытта оң шешімін табатынын айтты.
