Медицина • 18 Маусым, 2019

Кәсіби мерекеде балалар дәрігерлері марапатталды

280 рет көрсетілді

Маусым айының үшінші жексенбісі ақ халатты абзал жандардың төл мерекесі ретінде аталып өтілетін аян. Айтулы мерекеге аясында Алматыдағы Педиатрия және балалар хирургиясы ғылыми орталығының бірқатар дәрігерлері ҚР Денсаулық сақтау министрлігінің жоғары марапаттарына ие болды.

Атап айтқанда, ұзақ жылдан бері бар ғұмырын медицина саласына арнап келе жатқан Ғылым бөлімінің бас ғылыми қызметкері Валерий Кожанов (52 жыл), ішкі аудит, менеджмент және сапа бөлімінің дәрігері Қалқаман Әбішева (41 жыл) «Еңбек ардагері» медалімен марапатталды.

Консультативтік-диагностикалық бөлімшесінің меңгерушісі Альфия Назарова,  клиникалық-диагностика зертханасының дәрігер мамандары Гүлзат Батырханова, Гүлбаршын Рысмендиева, функционалдық бөлімшесінің меңгерушісі Естай Нұрланов, ересек жастағы балаларға арналған жан сақтау және қарқынды емдеу бөлімшесінің мейіргері Бейбітгүл Шойбекова, гематология бөлімшесінің мейіргері  Бақытгүл Әміржанова «Денсаулық сақтау ісінің үздігі» атанса, хирургия бөлімінің меңгерушісі Нұрлан Ахпаров, құрылымдық бөлімшелерді дәрі-дәрмектермен қамтамасыз ету бөлімінің мейіргері Зина Қырғабақова, әкімшілік-шаруашылық басқармасының басшысы Асхат Баймухамбетов «Денсаулық сақтау ісіне қосқан үлесі» төсбелгісімен марапатталды.  

Құрмет грамоталарымен Жедел андрология қамтылған урология бөлімшесінің уролог дәрігері Бауыржан Сәкенов, Хирургия бөлімінің хирург дәрігері Кахриман Ахтаров, ұйымдастыру-әдістемелік жұмыстар және медициналық статистика басқармасының дәрігер-әдіскері Сауле Нұртазаева, Жедел андрология қамтылған урология бөлімшесінің мейіргері Тазакуль Алтаева  марапатталып, ерен еңбектері бағаланды.

Барша марапат иелеріне құрмет көрсетіліп, гүл шоқтары табысталды. Марапаттарды өз қолымен табыстаған орталық басшысы Риза Боранбаева барша дәрігерлерді кәсіби мерекемен құттықтап, ақжарма тілегін білдірді.

Бүгінгі күні ғасырға жуық тарихы бар бірден-бір бірегей медициналық мекеме – Педиатрия және балалар хирургиясы ғылыми орталығында бала денсаулығын нығайту жолында 700-ден астам қызметкер аянбай еңбек етуде.

Жылына клиникада республиканың әр түпкірінен 6 мыңнан аса бала ем алады. Тәуелсіздік алған жылдардан бері орталықта әлемдік стандарт сапасына сай жоғары медициналық технологиялар қолданылып келеді. Клиникада жылына 2 мыңнан аса түрлі операциялар жасалады.

Соңғы жаңалықтар

Шекараның шебі берік

Қазақстан • Кеше

Бақыт министрлігі

Қоғам • Кеше

Электр желілері тозып тұр

Экономика • Кеше

Шығын көбейсе, тариф өседі

Экономика • Кеше

Ұлт ұстазының ұлағаты

Ахмет Байтұрсынұлы • Кеше

«Қылмыскер» қалам

Өнер • Кеше

Бетховеннің өмірі

Өнер • Кеше

Алан алған 15-ші жүлде

Теннис • Кеше

Ұқсас жаңалықтар