Қоғам • 20 Маусым, 2019

Білім министрі талапкерлерге сәттілік тіледі

171 реткөрсетілді

Қазақстанның барлық аймақтарында Ұлттық бірыңғай тестілеу басталды. ҰБТ-ның бірінші күнінде Білім және ғылым министрі Асхат Аймағамбетов Л.Гумилев атындағы Еуразия ұлттық университетіндегі тестілеу орталығына келіп, сәттілік тіледі. Министр емтихан болатын дәрісханалармен танысып, емтихан материалдарын ашуға қатысты.

ҰБТ-ның алғашқы күнінде 13 мың бала тест тапсырып жатыр. Жалпы  тестілеуді өткізу 9 күнге жоспарланған. ҰБТ-ны барлығы 117 242 түлек тапсырады. Бүгін Нұр-Сұлтан қаласындағы осы университке 600 бала келіп отыр.  Олар арнайы 10 аудиторияға бөлінген.

«Ұлттық бірыңғай тест тапсырудың өз ережесі бар. Сол ережеге сәйкес комиссияларымыз жұмыс істейді. Әрине келеңсіз жағдайларды болдырмай, олардың алдын алуымыз керек. Мәселен, телефон, басқа нәрселер алып кірсе, онда оған тыйым салып, тоқтатуымыз керек. Бірақ бұл психологиялық ахуалды өзгертпеуі тиіс. Сондай тапсырма беріп отырмыз», деді   Асхат Аймағамбетов.

Министрдің айтуынша, барлық түлектердің тестілеу кезінде өздерін еркін ұстау үшін толық мүмкіндіктерді жасалған. Барлық тәртіптер Министрлік пен Мемлекеттік комиссия бақылауына алынған. Тестілеу ашық, әділ және объективті түрде өткізілетіндігін, психологиялық тұрғыдан дайын екендігін айтты. Тест сұрақтарын жаттандылықтан арылу үшін отыз пайызға жаңартылғанын мәлімдеді. Ата-аналарға сабыр сақтап, балаларына сену керектігін жеткізді. Айта кетейік, ата-аналарға арнайы видеозаллда 10 монитор орнатылған. Онда олар еркін отырып, тестілеу барысын бақылай алады.  

Сандуғаш МАРАЛБАЙ,


ЕҰУ Журналистика факультеті студенті  


Баннер
Соңғы жаңалықтар

Кей өңірлерде ауа-райы өзгереді

Аймақтар • 12 Қазан, 2019

Ең қысқа әңгіме. Ислам Қабылұлы

Руханият • 12 Қазан, 2019

Сенаторлар сенбілікке шықты

Қазақстан • 12 Қазан, 2019

Оралда «LATYN FEST» жастар форумы өтті

Аймақтар • 11 Қазан, 2019

Ұқсас жаңалықтар