«Батыс» Өңірлік қолбасшылығының командирі, полковник Нұрлан Алдияровтың нұсқауымен Мөңкеби ауылына, Батыс Қазақстан және Ақтөбе облысы аймақтық жауапкершілікті қамтитын инженерлік қызметінің бастығы майор Аслан Баймагамбетовтың басшылығымен 30238 әскери бөлімінің минасыздандыру тобы жіберілді.
- Бұл бірінші жағдай емес, - дейді 30238 әскери бөлімнің командирі, полковник Руслан Утепов. - 2015 жылдан бері жергілікті тұрғындар металл сынықтарымен бірге тапқан, оннан астам жарылмаған снаряд минасыздандыру тобымен жойылды.
ІІМ-ге қарасты құрылымдық күштер Ақтөбе қаласынан 360 шақырым жерде орналасқан оқиға орнына келіп, снаряд орналасқан аумақты қоршады. Минасыздандыру тобының ракеталық-артериялық қару-жарақ маманының жақынырақ тексеруінен кейін жарылғыш зат 85 миллиметрлік кумулятивтік танкке қарсы снаряд болып шықты. Оның жағдайы тасымалдауға жатпады: коррозияға ұшыраған, жарылғышы жауынгерлік жағдайға қойылған, снаряд қауіптің 3-ші дәрежесінде болды.
Саперлер снарядты сол жерде жоюға шешім қабылдады. Сонымен қатар, минасыздандыру торбымен іргелес аймақ зарылғыш заттардан тексерілді.
- Кеңес дәуірінде соңғы үлгідегі әскери техниканы және қару-жарақты зерттеу және сынау, жауынгерлік атыс жүргізу үшін қолданылған, Ембі полигонының жақындығы әлі күнге дейін "тосынсыйлар" ұсынады, - дейді 30238 әскери бөлімнің минасыздандыру тобының командирі, майор Аслан Баймагамбетов, - табылған снаряд кеңес дәуіріне тиесілі деп ойлаймын.
Маңғыстау облысы
