Мемлекеттік қызмет істері Агенттігінің аппарат басшысы Саян Ахметжановтың айтуынша, 200-ден астам қызметкер волейбол жарысына қатысқан.
Командалар 4 топқа бөлініп волейбол ойнады.Топтық кезеңде Павлодар, Шығыс Қазақстан, Түркістан, Солтүстік Қазақстан, Атырау, Батыс Қазақстан, Ақтөбе облыстарының және Алматы қаласы мемлекеттік қызметшілері алға шықты.
Мәре соңына Павлодар, Шығыс Қазақстан, Түркістан облыстары мен Алматы қаласының командалары арасында 1-4 орындар үшін таласқа түсті.
Турнир қорытындысы бойынша 3-орынға Түркістан облысы, 2-орынға Алматы қаласының командасы, ал, 1-орынды Шығыс Қазақстан облысының мемлекеттік қызметшілері жеңіп алды.
Команда капитаны, Бесқарағай ауданы Долон ауылдық аумағының әкімі Нұрлыбек Әбдірахманов жарыс арқылы әріптестерімен тәжірибе алмасқандарын айтты.
-Алматылық әріптестермен финалда сынға түстік. Ойын тартысты өтті. Мемлекеттік қызметкер деген тек кабинетте отырмай спортпен де шұғылдануы қажет.Барлық жастарды мемлекеттік қызметке келуге шақырамын,-дейді ол.
Жарысқа қатысушы мемлекеттік қызметкерлер бір-бірімен араласып, бос уақыттарында қызмет жайында тәжірибе алмасты.
Жеңімпаздар мен жүлдегерлерге марапаттарын облыс әкімінің орынбасары Асхат Оралов, Мемлекеттік қызмет жөніндегі агенттігі облыс бойынша департамент басшысы Әділбек Мұқашев, облыстық волейбол федерациясының вице-президенті Аманжол Әубәкіров табыс етті.
Турнир нәтижесінде Хасен Сағадиев-«Үздік тосқауыл қоюшы», Рауан Уәлиханов – «Үздік шабуылшы», Сымбат Дүйсенғазин – «Үздік қорғаушы», Түркістандық Ахан Есалиев – «Үздік байланыстырушы», Алматылық Есбол Курибай – «Үздік диагональ шабуылшы», Қуат Мерқоджаев – «Ең бағалы ойыншы» атанды.
Жалпы, турнир өңірдегі Мемлекеттік қызмет істері жөніндегі департаменттің алғашқысы басшысы болған Мейрам Серғазинге арналып өткізілді.
Павлодар облысы
Суретті түсірген Оразбек Саяхат
