Азаматтық іс саны артып, қылмыстық іс кеміген
Бейсенбі, 14 ақпан 2013 7:05
Статистикалық мәліметке сүйенсек, былтырғы жылы Алматы облыстық сотына келіп түскен азаматтық істер саны 27 пайызға артқан. Есесіне ел Тәуелсіздігінің 20 жылдығына байланысты күшіне енген рақымшылық туралы заңына және Қылмыстық кодекстің 67-бабына сәйкес сотта қаралатын қылмыстық істер саны кеміген. Бұл туралы Алматы облыстық сотының былтырғы жылды қорытындылаған баспасөз мәслихатында айтылды.
Бейсенбі, 14 ақпан 2013 7:05
Статистикалық мәліметке сүйенсек, былтырғы жылы Алматы облыстық сотына келіп түскен азаматтық істер саны 27 пайызға артқан. Есесіне ел Тәуелсіздігінің 20 жылдығына байланысты күшіне енген рақымшылық туралы заңына және Қылмыстық кодекстің 67-бабына сәйкес сотта қаралатын қылмыстық істер саны кеміген. Бұл туралы Алматы облыстық сотының былтырғы жылды қорытындылаған баспасөз мәслихатында айтылды.
Оны Алматы облыстық сотының қылмыстық істер жөніндегі апелляциялық сот алқасының төрағасы Нұрділлә Сеитов ашып, «Елбасы «Қазақстан-2050» Стратегиясы – қалыптасқан мемлекеттің жаңа саяси бағыты» атты Жолдауында еліміздегі сот жүйесінің алдына қойылған міндеттерді атап, алдағы атқарылатын істерге тоқталғаны мәлім, осы орайда біз де төл міндетімізге сай Жетісу жерінде сот төрелігінің сапалылығына, заңдылықтың сақталуына, нәтижелілігіне және сот қызметін жетілдіре түсуге бар күш-жігерімізді жұмсаудамыз» деді.
Қорыта айтқанда, бүгінгі қоғамда белең алып бара жатқан бір проблема ата-аналардың бейкүнә сәбилерді тастап кетулері, балаларының қауқарсыз әке-шешеге қол жұмсауы секілді мәселелерге орай журналистер тарапынан қойылған сұрақтарға судьялар жауап берді.
Нұрбол ӘЛДІБАЕВ,
«Егемен Қазақстан».
Алматы облысы.
