Аймақтар • 26 Маусым, 2019

«Shymkent Bus» автобус паркі ашылды

113 реткөрсетілді

Шымкентте қала күніне орай муниципалды автобус паркі ашылды. Қала әкімі Ғабидолла Әбдірахымов әлеуметтік жобаның лентасын қиып, парк ішін аралап көрді.

«Тұрғындарымызды қолайлы қоғамдық көлікпен қамтамасыз ету мақсатында жаңа «Shymkent Bus» автобус паркін салтанат­ты түрде аштық. Сапалы қоғам­дық көлік мәселесі – біздің назары­мыз­дағы маңызды мәселе. Біз бұл сұрақты жүйелі түрде шешудеміз. Елбасы Нұрсұлтан Әбішұлының тапсырмасына сәйкес Үкіметтің қолдауымен Шымкент қаласы «Қазақстан Даму Банкі-Лизинг» АҚ-ның арнайы бағдарламасы арқылы биыл қаламызға отандық «Сарыарқа Авто Пром» компаниясынан жаңа, заманауи 1000 автобус сатып алды. 160 автобус бүгіннен бастап қала көшелеріне шығады, 140 автобус шілде айында жеткізіліп, қалған 700 автобус жыл соңына дейін маршруттарға шығатын болады. Осы көліктер xалқымыздың игілігі үшін қыз­мет етіп, Шымқала көркейе бер­сін», деді қала әкімі.

Еліміздегі бірегей жоба ретінде жұмысын бастаған автобус пар­кінде ЖМС, сервистік орталық, автожуу қызметі бар. Жатақхана, медпункт және жүргізушілерге арналған асхана да қарастырылған.

Тағы бір қуанышты жаңа­лық – Шымкентке Қазақ­стан­да құрастырылған 300 жаңа авто­бус жеткізілді. Олар салқын­датқыштармен, пандустармен, бейнекамералармен, жолаушылар ағынының датчиктерімен, GPS-трекерлермен жабдық­тал­ған. Жолаушылардың жалпы сыйымдылығы – 56 адам, автобус ұзындығы – 8,5 метр.

Салтанатты жиында шаһар басшысы автобустардың мүмкін­діктерімен танысты. Қала күніне орай №138, 153 бағытта қаты­най­тын су жаңа автобустар қала тұр­ғындарына қызмет көрсете бастады.

 

ШЫМКЕНТ

 

Баннер
Соңғы жаңалықтар

Жаны қазақ Виктория

Қоғам • Бүгін, 12:08

Қандастарға қамқорлық

Аймақтар • Бүгін, 10:00

Қытай айнасының құпиясы

Аймақтар • Бүгін, 09:55

Өнер қонған өлке

Аймақтар • Бүгін, 09:48

Музей жаңа залдармен толықты

Руханият • Бүгін, 09:20

Тасқа қашалған жыр

Аймақтар • Бүгін, 09:04

Инфляция ырыққа көне ме?

Экономика • Бүгін, 08:58

Ұқсас жаңалықтар