Қазақстан • 05 Шілде, 2019

Арыста жаңа емхана мен аурухана салынады

365 рет
көрсетілді
1 мин
оқу үшін

Денсаулық сақтау министрі Елжан Біртанов орталық коммуникацилар қызметінде Арыс қаласындағы медициналық нысандардың жағдайы туралы ақпарат берді. Бұл туралы ҚазАқпарат хабарлады.

Арыста жаңа емхана мен аурухана салынады

Министр Арыс қаласындағы медициналық нысандардың ахуалына тоқталды. 

«Қалалық емхана мен аурухана да жарылыс кезінде бүлінген болатын. Ұсақ-түйек жөндеу жұмыстарынан кейін емхана қайта қолданысқа берілді. Қазір жұмыс істеп тұр. Апат кезінде науқастарды Ордабасы аудандық ауруханасы мен Түркістандағы облыстық аурухана қабылдаған болатын. Қазір халыққа ем-дом жасау үшін қаланың 17 штабында жылжымалы медицина жасағы, 5 жылжымалы кешен жұмыс істеп тұр», деді Елжан Біртанов. 

Оның айтуынша, Үкімет басшысы Асқар Мамин Арысқа жасаған сапарында қаладағы екі медициналық нысанның жағдайымен арнайы барып танысқан. 

«Емхананың да, аурухананың да тозығы жеткенін Асқар Ұзақбайұлы өз көзімен көріп, орнына жаңа ғимараттар салуды тапсырды. Қазірдің өзінде қажетті жобалық-сметалық құжаттамаларды дайындап жатырмыз. Тек жаңа ғимарат салынып қана қоймайды. Қос нысан да барлық заманауи қондырғылармен жабдықталады», деді министр. 

Айта кетсек, Nur Otan партиясы төрағасының бірінші орынбасары Бауыржан Байбек Арыс қаласына іссапармен барып, тұрғындармен кездескен болатын.

Соңғы жаңалықтар

Су үнемдейтін қондырғы

Технология • Кеше