Аймақтар • 12 Шілде, 2019

Теректінің елі епті

110 реткөрсетілді

Батыс Қазақстан облысының Теректі ауданы 2018 жыл қорытындысында шағын және орта бизнесті дамыту көрсеткіші жөнінен республика бойынша бірінші орынды жеңіп алды. Ауданда әсіресе шағын кәсіпкерлікті жұмыссыздардың, атаулы әлеуметтік көмек алып отырған әлеуметтік осал топтардың есебінен дамыту жолға қойылған.

Облыс орталығына жақын, Жайық өзенін жағалай орна­лас­қан ауданда 15 ауылдық округ, 52 елді мекен, 38 мың­нан аса тұрғын бар. Осы ха­лық­тың 60 пайызы, яғни 22 603 адам экономикалық бел­сенді тұрғындарға жатады. Олардың дені ауыл шаруашылығы, кәсіпкерлік салаларында еңбек етіп, өзінің де, елдің де экономикалық дамуына үлес қосып жүр.

Әрине ел ішінде түрлі тағ­дыр кездеседі. Әртүрлі себеп­пен жағдайы нашар, ауқаты төмен болған отбасылар да бар. Ерте заманда мұндай адам­­­­дарға ауыл ақсақалдар, ел аға­­­­лары, тіпті ауыл болып кө­мек­­те­сетін. Жетімді жебеп, жал­­­­ғыз­ды демеп, басына үй ті­гіп, ал­дына мал жиып бер­ген оқи­­­ға­ларды көне әңгіме­лер­ден та­­лай естідік. Бүгінде бұл функ­цияны мемлекет атқарады. 

– Күні бүгін Теректі ауданында 431 адам ресми түрде жұмыссыз ретінде тіркелген. Ал мемлекеттен атаулы әлеу­меттік көмек алатындар саны аудан бойынша 847 отбасы. Бұл отбасыларда 4216 адам тұрып жатыр. Соның 2435-і – жасы 18-ге толмаған балалар, – дейді Теректі аудандық жұ­­мыс­пен қамту және әлеу­мет­тік бағдарламалар бөлімі басшысының міндетін атқару­шы Әлима Лұқпанова.

Әлима Абылайқызының ай­туынша, жоғарыдағы топ­тың ішінде 239 шаңырақ көп бала­лы отбасы саналады. Яғ­ни, бұл үйлерде 4 және одан да көп бала тәрбиеленіп жатыр. 

Міне, осындай жұмыссыз жүр­ген теректіліктерді сұра­ныс­қа ие мамандықтарға оқыту, кәсіпкерлікке бау­лу аудан­да жақсы жолға қо­йылған. Бұл көмек ең алдымен атаулы әлеуметтік көмек алушы отбасы мүшелеріне ұсынылады. Биылдың өзінде осындай отбасылардан 37 адам ақылы қоғамдық жұ­мыс­қа, 8 адам әлеуметтік жұ­мыс­қа, 1 адам жастар тәжі­ри­бе­сіне тартылыпты. 9 адам қысқа оқыту курстарына жолданған. 

2018 жылы «Нәтижелі жұмыспен қамту және жаппай кәсіпкерлікті дамыту» бағдарламасы аясында аудан бойынша 365 397 000 теңгеге 96 несие берілген екен. Ал «Бастау Бизнес» бағдарламасы тыңдаушылары 289 645 000 теңгеге 74 несие алған. Бұдан бөлек «Ауыл ша­руа­шылығын қаржылай қол­дау қоры» арқылы 249 145 000 теңгеге 64 несие, «Аграрлық несие корпорациясы» АҚ-ы арқылы 40 500 000 теңгеге 10 несие берілген. 2019 жылдың 5 айында аудан бойынша жалпы көлемі 24 000 000 теңгенің 5 несиесі иесін та­уыпты. Мұның бәрі өз кәсібін өсіріп, өркендетем деген ауыл тұрғыны үшін нақты көмек екендігі сөзсіз.

Бір тәуірі, мемлекеттің көмегін орайымен пайдаланып, нақты кәсіпке айнал­дыр­ған отбасылар да көбейіп келе­ді екен. Солардың бірі – Тоқ­таровтар отбасы туралы Ә.Абылайқызы сүйсініп айтады.

Иә, Барбастау ауылында тұратын Тоқтаровтар отбасында жиырманың үстінде жан тұрады екен. Әулеттің үлкені Жұма апай – үш баласының отбасын бір шаңырақ астында тату-тәтті ұстап отырған берекелі бәйбіше болып шық­ты. Келіндерінің бірі Гүлай­ман – жеті баланың, ал Саманта – бес баланың анасы екен. 

– Үкіметтен атаулы әлеу­мет­тік көмек алғанда әбден қуан­дық. Бірінші алған сома қо­мақты болды. Үйде ақыл­даса келіп, ақшаны босқа шаш­пай, мал алайық дедік. Сөйтіп, әрқайсысын 170 мың­нан екі тана алдық. Екінші айдың ақшасы келгенде ойланбастан үш бұзау алдық. Бағып отырған қаз-үйректің бала­паны тағы бар. Үкімет бала­ларға көмек беріп тұрған кезде соларға азық-нәпақа, ет-сүт болатын мал жинап ал­сақ, алдағы уақытта ешкімге алақан жаймас едік, – дейді Жұма апай.
Жұма апайдың немере­лерінің ең үлкені студент болса, ең кішісі қырқынан да шық­паған сәби. Татулығы жа­рас­қан отбасы мүшелерінің әр­қайсысы өз қолынан келетін мін­детті бөлісіп алып, шаруаны дөңгелетіп отыр. Кіш­кен­тай Нариман батырдың өзі қо­лы­на шыбығын алып, қаз ба­ғады. Үлкендер аулада жа­ңа үйдің құрылысын бастап кеткен... 

P.S. Өткенде Батыс Қазақ­стан облысы әкімі жанындағы ин­вестициялық кеңестің кезек­ті отырысы болғанда Терек­ті ауданының әкімі Әділ Жола­­манов арнайы баяндама жасады. Осы баяндамада Ақсуат ауылдық округінде индус­триялық аймақ салынатыны ха­бар­ланды. 281 га жерді алып жатқан бұл аймақта маши­на жасау, былғары өңдеу, тоқы­ма өндірісі, құрылыс ма­те­риал­­дары, жиһаз, тіпті резина мен пластмасс өндірісі де жол­ға қойылмақ. Әрине бұл об­лыс­тық деңгейде қол­ға алын­­ған ірі жоба екені түсі­нікті. Бі­рақ мұның игілігі алды­мен жер иелері – Теректі ауданы тұр­ғын­дарына да тиетіні сөзсіз. 

Баннер
Соңғы жаңалықтар

Жаны қазақ Виктория

Қоғам • Кеше

Қандастарға қамқорлық

Аймақтар • Кеше

Қытай айнасының құпиясы

Аймақтар • Кеше

Өнер қонған өлке

Аймақтар • Кеше

Тасқа қашалған жыр

Аймақтар • Кеше

Инфляция ырыққа көне ме?

Экономика • Кеше

Алматыда жарық сөніп қалды

Аймақтар • 15 Шілде, 2019

Ұқсас жаңалықтар