Аймақтар • 16 Шілде, 2019

Түркістан облысының әкімі комбайн жүргізіп, бидай орды

583 реткөрсетілді

Түркістан облысындағы бидай алқабының бүгінде 44 пайызы орылған. Яғни, 94 мың гектардан 183 мың тонна астық жиналып отыр. Жалпы өңірде 218 мың гектардан 463 мың тонна бидай алу жоспарлануда. Астық оруға 1012 астық комбайндардың 90-95% дайындалып, жинау жұмыстарына кіріскен.

Облыста астықпен қатар, ауыл шаруашылығы дақылдарынан бүгінгі таңға 211,4 мың тонна картоп, 553,3 мың тонна көкөніс, 592,4 мың тонна бақша дақылдары жиналып, өзге өңірлерге жіберілуде және шетелге экспортталуда. Жыл соңына дейін 2,7 млн тонна картоп, көкөніс, бақша өнімдерін жинау жоспарланып отыр. Ордабасы ауданы Бөржар елді мекеніндегі «Мақта компаниясы» ЖШС-на барған Түркістан облысының әкімі Өмірзақ Шөкеев егіс көлемімен, ауыл шаруашылығы саласындағы жұмыстармен танысты. Шаруалармен кездесіп, ұсыныстарын тыңдады. Сонымен қатар, облыс басшысы  егіс алқабында комбайн жүргізіп, бидай орды.

Облыстық ауыл шаруашылығы басқармасының басшысы Нұрбек Бадырақовтың мәлімдеуінше, биылғы ауыл шаруашылығы дақылдарының егіс көлемі - 823 мың гектар. Бұл өткен жылдан 9,8 мың гектарға артық. Ал бидайдың егіс көлемі биыл 218 мың гектарға жетсе, майлы дақылдар – 96,8 мың, мақта – 129 мың гектарға егілген.

Баннер
Соңғы жаңалықтар

Алматы облысында жер сілкінді

Аймақтар • Бүгін, 09:36

Ұқсас жаңалықтар