Аймақтар • 17 Шілде, 2019

Түркістан: «Мектепке жол» акциясы басталды

129 реткөрсетілді

Түркістан облысында өткен 2018-2019 оқу жылы «Мектепке жол» қайырымдылық акциясы аясында 25509 балаға жалпы 201 млн 456 мың 101 теңге көлемінде материалдық көмек берілген болатын. Соның ішінде 3807 балаға бюджет қаражаты есебінен – 483 251 теңгеге, қалған 21702 балаға демеушілер қаражаты есебінен – 200 млн 972 мың 850 теңгеге материалдық көмек көрсетілген.

Көмек көлемі жаңа оқу жылы қарсаңында көбеймесе, азаймайтыны анық. Бұл жөнінде өңірлік коммуникациялар қызметінде өткен брифингте Түркістан облысының адами әлеуетті дамыту басқармасы басшысының міндетін атқарушы Ардақ Садықова мәлімдеді.  

«Президент Қасым-Жомарт Тоқаевтың тапсырмасын орындау мақсатында 2019 жылдың 3 шілдесі мен 30 қыркүйек аралығында өтетін жыл сайынғы «Мектепке жол» республикалық қайырымдылық акциясы басталды. Аз қамтамасыз етілген және көпбалалы отбасылар, жетім немесе мен ата-анасының қамқорлығынсыз қалған, яғни көмекке мұқтаж оқушыларға жаңа 2019-2020 оқу жылына дайындық кезеңінде қолдау көрсету мақсатындағы акцияны жоғары деңгейде өткізу үшін іс-шара жоспары түзіліп,  жүйелі жұмыстар атқарылатын болады», - деді А.Садықова.


Түркістан облысы

Баннер
Соңғы жаңалықтар

Алматы облысында жер сілкінді

Аймақтар • Бүгін, 09:36

Ұқсас жаңалықтар