Руханият • 18 Шілде, 2019

«Атамекен» фестивалі мәреге жетті

163 реткөрсетілді

Орал қаласында Қазақстан Республикасының халық артисі, Мемлекеттік сыйлықтың лауреаты, әнші-композитор Ескендір Хасанғалиевтың әндерін орындаушылардың ХІ халықаралық «Атамекен» ән фестивалі мәресіне жетті.

Дәстүрлі ән фестивалінің биылғы байқауында эстрада жанры бойынша 18, романс жанры бойынша 11 қатысушы бақ сынаған болатын.

Екі күнге созылған ән сайысында эстрада жанры бойынша бас жүлдені оралдық Айбек Дәулетқалиев, романс жанры бойынша бас жүлдені тараздық әнші Дінмұхамед жеңіп алды. Олардың әрқайсысына 650 мың теңге жүлде табыс етілді.

Эстрадалық вокал бойынша бірінші орын оралдық Тарас Жауымбаевқа, екінші жүлде Нұр-Сұлтан қаласынан келген Айдын Жұмабаевқа, үшінші орын қарағандылық Самат Шонов пен нұрсұлтандық Мейіржан Самылтыровқа бұйырды. Ал өзбекстандық Рахмет Орынғалиев, атыраулық Айданақ Сағындық, ақтөбелік Ернар Дүйсеев дипломант атанды.

Ескендір Хасанғалиевтің өзі төрағалық еткен қазылар алқасы Алматы қаласынан келген қос әнші Ержан Жауынбаев пен Жандарбек Еркінбаевқа романс жанры бойынша байқаудың І және ІІ орын иегерлері деген атақ берді. Өскемендік Дәурен Сейітжанов ІІІ орынды қанағат тұтса, қостанайлық Гүлбақыт Жаңбырбаева мен тараздық Сәуле Жуатбекова дипломант атанды.

Хадиша Бөкеева атындағы Батыс Қазақстан облыстық қазақ драма театрында өткен марапаттау рәсімі гала концертпен аяқталды.

Соңғы жаңалықтар

Алып тиін төрге озды

Аймақтар • Кеше

18,6 миллионға жеттік

Қазақстан • Кеше

КХЛ: «Барыс» жеңіске жетті

Хоккей • 15 Ақпан, 2020

Жол құрылысынан табылған ақау көп

Аймақтар • 15 Ақпан, 2020

Ақтөбеде автобус аударылды

Аймақтар • 15 Ақпан, 2020

Биыл БҚО-да 1710 пәтер беріледі

Аймақтар • 15 Ақпан, 2020

Жер сілкінді

Қазақстан • 15 Ақпан, 2020

Ұқсас жаңалықтар