Аймақтар • 19 Шілде, 2019

Арыс балалары Бөбекте демалады

644 рет
көрсетілді
1 мин
оқу үшін

«Бөбек» Ұлттық ғылыми-практикалық, білім беру және сауықтыру орталығында балаларды профилактикалық-сауықтыру демалысының «Денсаулыққа қадам» жобасы басталды. Бұл маусымда орталықтың қонақтары - осы жылғы жазда ауыр оқиға болған Арыс қаласының балалары.

Арыс балалары Бөбекте демалады

«Бөбек» Орталығының басшылығы ұжымда шұғыл жиналыс өткізді, онда Оқу-сауықтыру кешенінде Арыс балаларына демалыс ұйымдастыру туралы бірауыздан шешім қабылданды. Көлікпен қамтамасыз ету шығындарын қамтамасыз ету және ауыр физикалық және психологиялық әрекетті басынан өткізген жас қонақтарға естелік сыйлықтар сатып алу үшін орталық ұжымының бір күндік жалақысын арнайы ашылған ақша шотына аудару жөнінде шешім қабылданды.

16 шілдеде балаларды «Бөбек» Орталығының көлік колоннасы «Алматы-2» вокзалында күтіп алды. Келген балалар қолайлы автобустарға орналастырылды және полиция автоколоннасымен демалыс орнына – Бостандық ауданы «Дарын-1» шағын ауданы ,  47 үй мекенжайда орналасқан«Бөбек-1» орталығына жеткізілді.

Мұнда балғын қонақтарды күтіп алуға барлығы дайын. Орталықтың басшылығы мен ұжымы балаларды жылы қарсы алды. Орталыққа1–7 сынып оқушыларының 110 баласы  келді. Балалар демалыста 22 күн –  6 тамызға дейін болады.

Бірінші кезекте балаларды сауықтыру және олардың денсаулығын оңалтуға бағытталған көптеген ресімдер қарастырылған, себебі балалар күйзеліс жағдайын басынан өткізді,  ауыр моралдық сынаққа душар болды, әлі қатаймаған психикасы жағымсыз әсерге тап болған. Сондықтан, балалар  емдік-сауықтыру курсы бойынша  жоғары білікті дәрігерлердің кеңестері,  климатотерапия (аэротерапия – серуендеу кезінде ашық таза ауаның әсеріне негізделген климаттық емдеуәдісі, терренкурлар, экскурсиялар, спорттық ойындар: волейбол, футбол, баскетбол тәрізді қосымша қызмет көрсетеді.

Балалармен атқарылатын жұмысқа орталықтың барлық бөлімшелерінің қызметкерлері қатысады.

Соңғы жаңалықтар

Су үнемдейтін қондырғы

Технология • Кеше